वास्को: बोगदा येथे भूस्खलनाचा धोका असणारी अनेक घरे आहेत. या घरांना प्रशासन सतर्कतेच्या नोटिस पाठवत असते. यामुळे भयभीत झालेल्या नागरिकांनी आता सुटकेचा नि:श्वास सोडला आहे, कारण मुरगावचे आमदार संकल्प आमोणकर यांनी जीसुडाच्या माध्यमातून या प्रश्नावर मार्ग काढला असल्याची माहिती समोर आली आहे.

(MLA Sankalp Amonkar has come up with a solution to the landslide problem at Bogda)

बोगदा येथे भूस्खलनामुळे भीतीने जगत असलेल्या नागरिकांनी आता सुटकेचा नि:श्वास सोडला आहे. कारण मुरगावचे आमदार संकल्प आमोणकर यांच्या हस्ते बुधवारी सडा येथील प्रभाग क्रमांक 5 व 6 मध्ये रिटेनिंग वॉल व खडी टाकण्याच्या कामांचा शुभारंभ केला. प्रसारमाध्यमांशी बोलताना आमोणकर म्हणाले की, हा प्रकल्प 3 कोटी रुपयांचा होता आणि तो जीसुडा मार्फत घेण्यात आला होता.

"आम्ही पाहिले आहे की दरवर्षी या भागातील अनेक घरे खाली करण्याच्या नोटिस येतात आणि भूस्खलनाचा धोका आहे आणि लोक नेहमीच भीतीच्या वातावरणात राहतात. मात्र, आमदार म्हणून निवडून आल्यानंतर मी विधानसभेत हा मुद्दा उचलून धरला आणि पहिल्यांदाच या घरांना नोटीस मिळालेल्या नाहीत, तरीही, आम्ही मजबूत राहून कामे करू,असे नियोजन केले होते. भूस्खलनावर उपाय म्हणून या भागात मजबूत राखीव भिंत बांधण्याचे काम हाती घेतले असल्याचे आमोणकर म्हणाले.