Morjim Beach Garbage Dainik Gomantak
गोवा

Goa Morjim Beach: कचऱ्यांच्या राशी तशाच; मोदींच्या वाढदिवसानंतर पुन्हा 'ये रे माझ्या मागल्याच'

Morjim Beach: दुसऱ्या दिवशी किनारी भागात फेरफटका मारला तर ठिकठिकाणी कचरा साचलेला दिसून आला.

दैनिक गोमन्तक

Morjim Beach: मोठा गाजावाजा करत देशाचे पंतप्रधान नरेंद्र मोदी यांच्या वाढदिवसाचे औचित्य साधून गोव्यातील 160 किलोमीटर लांबीच्या समुद्रकिनारी भागात एक दिवसाची स्वच्छता मोहीम हाती घेण्यात आली होती. किनारा स्वच्छ करण्याचा हा उपक्रम चांगला होता. परंतु दुसऱ्या दिवशी किनारी भागात फेरफटका मारला तर ठिकठिकाणी कचरा साचलेला दिसून आला.

मोरजी किनारी भागात तेमवाडा येथे ज्या ठिकाणी अरबी समुद्र आणि शापोरा नदीचे मीलन होते. त्या बाजूला मोठ्या प्रमाणात कचरा साचल्याचे दिसून येत आहे. त्यामुळे एक दिवसाच्या स्वच्छतेनंतर परत येरे माझ्या मागल्याच अशी स्थिती झाली आहे. कचरा उचलण्यासाठीचे कंत्राट ज्या कंपनीला दिलेले आहे, त्यांचे कामगार तो उचलत नसल्याने ठिकठिकाणी कचरा दिसून येतो.

मोरजी किनारी भागात कासव संवर्धन आरक्षित जागा ते होड्या ठेवणाऱ्या ठिकाणापर्यंत पर्यटन खात्याचे कंत्राटदार कचरा उचल करत नाहीत. त्यामुळे हा परिसर विद्रूप दिसत आहे. मागच्या दोन महिन्यांपूर्वी विदेशी पर्यटकांनी कचरा गोळा केला होता. आता येथील स्थानिक युवक आल्बर्ट फर्नांडिस यांनी पदरमोड करून चार कामगारांद्वारे येथील कचरा गोळा करून पर्यटन खात्याला जागे केले आहे.

कंत्राटदार कंपनीचे कचऱ्याकडे दुर्लक्ष: किनारी भागातील कचरा उचलण्याचे कंत्राट दृष्टी कंपनीला दिले आहे. त्यांचे कामगार कुठला कचरा गोळा करतात ते त्यांनाच माहीत. सरकारने या विषयावर गांभीर्याने विचार रावा. किनारी भागातील कचरा कंत्राटदारामार्फत व्यवस्थित उचलला जात नसल्याने त्यांच्यावर कारवाई करावी, अशी नागरिकांची मागणी आहे.

स्थानिक युवक: कासव संवर्धन मोहिमेच्या जागा आणि ज्या ठिकाणी पारंपरिक होड्या आहेत, त्यापर्यंत कचऱ्याच्या राशी दिसून येत होत्या. विदेशी पर्यटक त्या ठिकाणी चालत आले तर त्यांच्या पायाला काटे, काचा लागतात अशा तक्रारी आहेत. काही नागरिक तर समुद्रात आपल्या घरातील कचरा फेकतात. तो कचरा मग किनाऱ्यावर वाहून येतो. पर्यटन खात्याचे मंत्री बाबू आजगावकर यांचे या किनाऱ्यावकडेर लक्ष नसल्याने ही स्थिती निर्माण झाली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Murder: नवऱ्यापासून झालेली मुलगी आवडत नव्हती; बॉयफ्रेन्डसोबत मिळून आईने 2.5 वर्षाच्या बाळाला संपवले, गोवा हादरला

Ashok Saraf: 'अशें, तुका कळूंक ना?' अशोक मामांच्या तोंडी पुन्हा प्रोफेसर धोंड; सोशल मीडियावर VIDEO तूफान व्हायरल

Viral Video: बंगळुरुत वाहतूक पोलिसाची दादागिरी! बाईकस्वाराला थप्पड मारतानाचा व्हिडिओ व्हायरल; नेटकरी म्हणाले, 'ही तर वर्दीतील गुंडगिरी...'

Gujrat Politics: गुजरातमध्ये चाललंय काय? मुख्यमंत्री वगळता सर्वच्या सर्व 16 मंत्र्यांचा राजीनामा

Viral Post: कॅन्सर जिंकला! 'ही माझी शेवटची दिवाळी...' 21 वर्षीय तरुणाची भावूक पोस्ट; नेटिझन्सकडून 'चमत्कारा'साठी प्रार्थना

SCROLL FOR NEXT