Benjamin Netanyahu Dainik Gomantak
ग्लोबल

Election In Israel: इस्त्रायलमध्ये तीन वर्षात पाचव्यांदा निवडणूक

माजी पंतप्रधान बेंजामिन नेतान्याहू यांच्या लिकुड पक्षाला बहुमत मिळण्याची शक्यता

गोमन्तक डिजिटल टीम

Election In Israel: इस्त्रायलमध्ये मंगळवारी पुन्हा सार्वजनिक निवडणूक होत आहे. गेल्या तीन वर्षात इस्त्रायलमध्ये पाचव्यांदा निवडणूक होत आहे. माजी पंतप्रधान बेंजामिन नेतान्याहू यांच्या लिकुड पक्षाला पुन्हा बहुमत मिळण्याची शक्यता मिळण्याचे संकेत आहेत.

या वर्षीच्या सुरवातीलाच इस्त्रायलमध्ये खासदार इदित सिलमॅन यांनी माजी पंतप्रधान नफ्तली बेनेट यांच्या धार्मिक राष्ट्रवादी यामिना पक्षाचा राजीनामा दिला होता. त्यामुळे यामिना पक्षाच्या बहुमतावर परिणम झाला होता. बेनेट यांनी नेतान्याहू समर्थकांनी सिलमॅन यांना धमकावल्याचा दावा केला होता. महिनाभर सतत झालेल्या छळामुळे सिलमॅन यांनी आघाडी सोडली, असे बेनेट म्हणाले होते.

तर सिलमॅन यांनी आरोग्य मंत्री होरोविट्झ यांनी रूग्णालयांना ज्यू धर्मविरोधी निर्देश दिल्याच्या निषेधार्थ हा राजीनाम्याचा निर्णय घेतल्याचे म्हटले होते. माजी पंतप्रधान बेनेट यांचे सरकार आठ पक्षांच्या आघाडीने मिळून बनले होते. इस्त्रायलची संसद नेसेटमध्ये एकाही पक्षाला बहुमत मिळाले नाही. नेसेटमध्ये 120 सदस्य निवडून येतात. पण 61 हा बहुमताचा आकडा कुणालाच गाठता आला नाही. त्यामुळे इस्त्रायलमध्ये आठ पक्षांचे आघाडी सरकार बनवावे लागले होते.

आता 73 वर्षीय बेंजामिन नेतान्याहू यांनी पुन्हा पंतप्रधानपदासाठी दावेदारी ठोकली आहे. सत्ताधाऱ्यांच्या विरोधातील लाटेचा फायदा नेतान्याहू यांच्या लिकुड पक्षाला होऊ शकतो. नेतान्याहू यांचा थेट सामना सध्याचे पंतप्रधान येर लापिड यांच्याशी होणार आहे. तर आपला येश आतिद पक्ष दुसऱ्या स्थानी राहिल, असा विश्वास लापिड यांनी व्यक्त केले आहे. संरक्षण मंत्री बेनी गँट्ज यांनी त्यांच्या नव्या नॅशनल युनिटी पक्षाला चांगल्या जागा मिळतील, असा विश्वास व्यक्त केला आहे.

दरम्यान, इस्त्रायलचे राष्ट्राध्यक्ष इसाक हर्जोग यांनी जेरूसलेम येथे मंगळवारी सकाळी मतदानाचा हक्क बजावला. इस्त्रायल हा खरा लोकशाही देश आहे. देशाचे भविष्य आणि दिशा ठरविण्यासाठी लोक मतदान करतील, असे ते म्हणाले होते. इस्त्रायलमध्ये 67.8 लाख नागरिक मतदार 25 व्या इजरायली संसदेची निवड करतील.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT