Russia-Ukraine Conflict: रशिया आणि युक्रेन यांच्यातील युद्ध थांबण्याचं काही नाव घेत नाही. दरम्यान, युक्रेनच्या महिलांना सेक्सी ड्रेस परिधान करण्याचे आवाहन केले जात आहे. त्यामुळे रशियाचा त्रास वाढू शकतो. युक्रेनियन नागरिकांचे म्हणणे आहे की, असे करुन महिला #FreeTheLeopards मोहिमेत सहभागी होतील. युक्रेनमध्ये ही मोहीम चालवली जात असून रशियाविरुद्धच्या युद्धात युक्रेनने जर्मनीला लेपर्ड बॅटल टँक देण्याचे आवाहन केले आहे. मात्र, जर्मनीने अद्याप युक्रेनची ही मागणी मान्य केलेली नाही.
युक्रेनची खास योजना काय आहे?
डेली स्टारमध्ये प्रसिद्ध झालेल्या वृत्तानुसार, #FreeTheLeopards मोहीम चालवून युक्रेन जर्मन सरकारला आपले Leopard युद्ध रणगाडे पाठवण्याचे आवाहन करत आहे, जेणेकरुन रशियाविरुध्द त्याचा वापर करता येईल.
झेलेन्स्की यांच्या सहाय्यकाने हा दावा केला
मात्र, जर्मनीने (Germany) आतापर्यंत Leopard बॅटल टँकबाबत युक्रेनच्या मागणीला दुजोर दिलेला नाही. परंतु, युक्रेनचे अध्यक्ष वोलोडिमिर झेलेन्स्की यांचे निकवर्तीय मायखाइलो पोडोल्याक यांनी दावा केला की, दोन्ही देशात लवकरात-लवकर करार होऊ शकतो.
जर्मनी आणि युक्रेनमध्ये होणार चर्चा!
विशेष म्हणजे, रशिया (Russia) आणि युक्रेनमधील युद्ध सुरु होऊन 8 महिन्यांहून अधिक काळ लोटला आहे. दोन्ही बाजूंचे हजारो सैनिक मारले गेले आहेत. रशियाने युक्रेनमधील 4 प्रांत आपल्या देशात विलीन केले आहेत. दुसरीकडे, युक्रेनही (Ukraine) हार मानायला तयार नाही. रशियाच्या ताब्यातील काही भूभाग परत घेतल्याचा दावाही युक्रेनने केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
