अभिनेत्री शहनाज गिल (Shehnaaz Gill) अजूनही तिचा प्रिय मित्र सिद्धार्थ शुक्ला याच्या अचानक जण्याने मानसिक धक्क्यात आहे. या टप्प्यातून बाहेर येण्याचा प्रयत्न करत आहे; शहनाज तिच्या आगामी पंजाबी चित्रपटाच्या (upcoming Punjabi film) 'होसला रखसाठी' (Honsla Rakh) या महिन्यामध्ये चित्रीकरण करणार होती परंतु या धक्क्यातून ती अजून सावरली नसल्यामुळे ही तारीख पुढं ढकलण्यात येत आहे. अशी माहिती चित्रपटाच्या निर्मात्यानी पत्रकारांशी शी बोलताना दिली.

'होसला रखच्या' निर्मात्यांनी 15 सप्टेंबरला शूटिंगची योजना आखली होती. ते आता या महिन्याच्या अखेरीस तारीख निश्चित करणार असल्याची माहिती समोर येत आहे. दरम्यान शहनाज गिलच्या सेटवर परत येण्याची अपेक्षा करत आहेत. निर्माता दिलजीत थिंड यांनी पत्रकारांशी बोलताना सांगितले की शहनाज ही चित्रपटाचा एक अत्यंत महत्त्वाचा भाग आहे आणि तिने शूटमध्ये सहभागी व्हावे अशी त्यांची इच्छा आहे.

त्यांचे म्हणणे असे होते की, “आम्ही तिच्या बरे होण्याची वाट पाहत आहोत. आम्ही मूळतः 15 सप्टेंबर रोजी लंडनमध्ये गाणे शूट करण्याची योजना आखली होती, परंतु समोर असलेल्या स्पष्ट कारणांमुळे ते होऊ शकले नाही. आम्ही लवकरच नवीन तारीख ठरवणार आहोत, शहनाज चित्रपटाचा अविभाज्य भाग आहे. मी तिच्या व्यवस्थापकाच्या संपर्कात आहे आणि आशा आहे की ती काही दिवसात आमच्याशी संपर्क साधेल.

तिच्या बऱ्याच सहकाऱ्यांनी आणि इंडस्ट्रीतील मित्रांनी दिलेल्या माहितीनुसार, सिद्धार्थच्या मृत्यूनंतर शहनाज पूर्णपणे हतबल झाली आहे. 2 सप्टेंबर रोजी हृदयविकाराच्या झटक्याने सिद्धार्थ शुक्ला या अभिनेत्याचे निधन झाले. शहनाज त्याच्यासोबत लिव्ह-इन रिलेशनशिपमध्ये असल्याची माहिती आहे आणि दोघे एकमेकांना डेट करत असल्याची अफवा पसरली होती.