जागतिक कसोटी क्रिकेटच्या अंतिम (WTC Final) सामना न्यूझीलंडने (New Zealand) 8 गडी राखून जिंकला या सामन्यात अष्टपैलू कामगिरी (All-round performance) करणाऱ्या न्यूझीलंडचा खेळाडू काईल जेमिसनने (Kyle Jamieson) शेवटच्या सत्रात न्यूझीलंडच्या ड्रेसिंग रूममध्ये काय परिस्थिती होती ते सांगितले आहे.

काईल जेमिसन म्हणाला, १३९ धावांचे लक्ष्य दिसताना माफक दिसत होते. पण आम्ही सलामीचे फलंदाज गमाविल्याने भारतासाठी एक संधी होती. मैदानातील भारतीय चहाते देखील प्रत्येक चेंडूवर भारतीय संघाला पाठिंबा देत होते. मी हा सामना ड्रेसिंग रुममधील टीव्हीवर पाहत होतो. तेथे रिअल टाईम अ‍ॅक्शनपेक्षा एक बॉल उशीराने दिसतो. यामुळे मला फार अडचणीचा सामना करावा लागला. आम्ही ड्रेसिंगरुममध्ये टीव्ही समोर बसलो होतो. प्रत्येक बॉलवर भारतीय चहाते उभे राहून भारताला असे चेअर करत होते, ज्यामुळे आम्हाला असे वाटायचे फलंदाज बाद झाला पण प्रत्यक्षात तो चेंडू त्या फलंदाजाने खेळून काढलेला असायचा किंवा त्यावर एक धाव निघालेली असायची.

पण हे पहाणे खूप कठीण होते. मी तर बराचवेळ बाथरूममध्ये लपलो होते. तेथे तरी काहीवेळ शांतता मिळेल असे वाटले होते. त्यावेळी आम्ही खूप निराश झालो होतो. पण केन आणि रॉस या दोन्ही महान फलंदाजांनी त्यावेळी शांत डोक्याने खेळ करत आमची निराशा दूर करत संघाला विजय मिळवून दिला. यात रॉस टेलरने 47 तर केन विल्यमसनने 52 धावा केल्या आणि न्यूझीलंड प्रथमच कसोटीतील विश्वविजेता बनला.

ड्रेसिंग रूममध्ये सर्वांसोबत सामन्याचा आनंद घेणे खूप छान होते. विजयाचा आनंद आम्ही सर्वांनी एकत्र रुममध्येच साजरा केला. कोरोनाच्या परिस्थितीमुळे बाहेर पडणे शक्य नव्हते. पण बऱ्याच वर्षांच्या मेहनतीनंतर आम्हाला त्याचे फळ मिळाले आहे. असे काईल जेमिसनने स्पष्ट केले.