काल केंद्रीय अर्थमंत्री निर्मला सीतारामण (Nirmala Sitharaman) यांनी 2022 वर्षासाठीचा अर्थसंकल्प (Union Budget 2022) सादर केला. बऱ्यापैकी क्षेत्रासाठी निधी उपलब्ध करून देत असतांना यंदा खेळाडू आणि क्रिडा संस्थांसाठीचा अर्थसंकल्प वाढवण्यात आला आहे. क्रीडा क्षेत्रासाठीच्या बजेटमध्ये 300 कोटी रूपयांच्या वाढीची मोठी तरतूद करण्यात आली आहे. त्याचवेळी या अर्थसंकल्पात काही संस्थांचा निधीदेखील कमी करण्यात आला आहे.

मात्र असे असले तरी यंदाच्या अर्थसंकल्पात नेहरू युवा केंद्र संगठन आणि राजीव गांधी राष्ट्रीय युवा विकास संस्थानच्या बजेटमध्ये काही प्रमाणात कपात करण्यात आली आहे. 2021-22 च्या नेहरू युवा केंद्र संस्थेचे बजेट कमी करतानाच याआधी 365 कोटी रूपयांचा असलेला निधी आता 325 कोटी करण्यात आला आहे. त्याचप्रमाणे राजीव गांधी राष्ट्रीय युवा संस्थेचा निधीत एक कोटी रूपयांनी घट करण्यात आले आहे. त्यामुळे या संस्थेचा निधी 25 कोटींएवजी आता 24 कोटी रूपये करण्यात आला.

नेहरू युवा केंद्र संस्थेच्या माध्यमातून ग्रामीण भागातील तरूण पिढीचे कौशल्य विकास प्रकल्पांकडे लक्ष्य केंद्रीत केले जाणार आहे. तामिळनाडू येथील राजीव गांधी राष्ट्रीय युवा विकास संस्थादेखील तरूण क्रिडापटूंसाठी काम करतात.

राष्ट्रीय पातळीच्या खेळांसाठी यंदा अर्थसंकल्पात कपात करण्यात आली आहे. गेल्या वर्षीच्या अर्थसंकल्पात याच खेळांसाठी 100 कोटी रूपये होता. पण यंदा त्यात कपात करून फक्त 30 कोटी निधी ठेवण्यात आला आहे. त्याचबरोबर यंदा राष्ट्रीय पातळीवर खेळांचे आयोजन करण्यात येणार आहे.