Cricketer Eats Ice cream with rice: भारतीय क्रिकेट संघातील खेळाडूंच्या चाहत्यांना त्यांच्या आवडत्या खेळाडुच्या खासगी जीवनातील सर्व माहिती हवी असते. आपला आवडता खेळाडू राहतो कसा?, खातो काय? याविषयी चाहत्यांना उत्सुकता असते. आता चक्क विराट कोहलीनेच संघातील एका सहकाऱ्याचे फुड सीक्रेट उघड केले आहे.

याच महिन्यापासून ऑस्ट्रेलियात सुरू होणाऱ्या टी-20 वर्ल्ड कप स्पर्धेस सुरवात होत आहे. त्यापुर्वी विराटने एका यु ट्युब चॅनेलला मुलाखत दिली. त्यात त्याने भारतीय विकेटकीपर वृद्धिमान साहा यांच्या आहाराच्या विचित्र सवयींविषयी माहिती दिली.

विराट म्हणाला की, जर मी भारतीय क्रिकेट संघातील खेळाडुंमध्ये सर्वात विचित्र फुड कॉम्बिनेशन ट्राय करताना पाहिले असेल तर तो वृद्धिमान साहा आहे. मी एकदा त्याच्या ताटात पाहात होतो तर त्यात बटर चिकन, रोटी, सॅलड आणि एक रसगुल्ला होता. आणि त्याने दोन-तीन वेळा रोटी आणि सॅलड खाल्ले आणि संपुर्ण रसगुल्ला गिळून टाकला.

मी त्याला विचारले की, वृद्धीमान तु नेमका काय करत आहेस? त्यावर वृद्धिमान म्हणाला की, मी नेहमी अशाच पद्धतीने जेवतो. अनेकवेळा मी वृद्धिमानला डाळभातासोबत आईसक्रीम खाताना पाहिले आहे. डाळभात आणि आईसक्रीम तो एकत्र खातो. म्हणजे दोन घास डाळ भाताचे आणि एक घास आईसक्रीमचा असे.

त्यानंतर विराटने खाण्याच्या पदार्थांबाबत त्याचा आवडता आणि नावडता देश कोणता याबाबत स्वतःचा अनुभवही शेअर केला. विराट म्हणाला की, खाण्याबाबतीत भुतान येथील सेंद्रिय भाज्या खाणे हा माझ्यासाठी सर्वाधिक सुंदर अनुभव होता. तर पॅरिसमध्ये जेव्हा मी गेलो होतो तेव्हा तेथील जेवण मला फारसे आवडले नव्हते.

बऱ्याचदा खेळाडू त्यांच्या सोशल मीडिया अकाऊंटवरून स्वतःच्या जीवनातील अनेक क्षण शेअर करत असतात. त्यातून त्यांच्या खाण्यापिण्याच्या आवडी आणि इतर जीवनशैलीही कळून येत असते. तथापि, अशी सीक्रेट मात्र त्यातून क्वचितच उघड होत असतात.