भारताचा वेगवान गोलंदाज नवदीप सैनीने (Navdeep Saini) इंग्लिश कौंटी केंट सोबत करार केला आहे. या करारानंतर नवदीप आता चालू हंगामामध्ये केंटसाठी आठ सामने खेळणार आहे तर काऊंटीकडून खेळणारा सैनी हा राहुल द्रविडनंतरचा भारताचा दुसरा कसोटीपटू असणार आहे. तो 96 क्रमांकाचा शर्ट घालणार आहे. या महिन्याच्या सुरुवातीला इंग्लंडविरुद्धच्या बर्मिंगहॅम कसोटीपूर्वी तो नेट गोलंदाज म्हणून भारतीय संघासोबत दिसून आला होता. (Navdeep Saini will play for this team in the English county the second Indian cricketer after Rahul Dravid)

"केंट क्रिकेटला भारताचा आंतरराष्ट्रीय वेगवान गोलंदाज नवदीप सैनीला तीन काउंटी चॅम्पियनशिप सामने आणि पाच रॉयल लंडन कप सामन्यांसाठी करारबद्ध केल्याची घोषणा करताना आनंद होत आहे," केंट काउंटीने सोशल मीडियावर लिहिले आहे. तसेच नवदीप सैनी भारताकडून तिन्ही फॉरमॅट खेळला आहे. सैनीने ऑगस्ट 2019 मध्ये पदार्पण केले आहे.

नवदीप, भारतीय देशांतर्गत सर्किटमध्ये दिल्लीकडून खेळतो आणि इंडियन प्रीमियर लीग (IPL) मधील राजस्थान रॉयल्स संघाचा तो भाग होता. जुलै 2021 मध्ये कोलंबोमध्ये श्रीलंकेविरुद्ध टी-20 स्वरूपात भारतासाठी शेवटचा आंतरराष्ट्रीय सामना नवदीप खेळला होता. तसेच नवदीप आता भारतासाठी दोन कसोटी, आठ वनडे आणि 11 टी-20 आंतरराष्ट्रीय सामने खेळला आहे. नवदीपने 53 प्रथम श्रेणी सामन्यांच्या 91 डावांमध्ये 28.81 च्या सरासरीने 148 विकेट्स घेतल्या आहेत, ज्यामध्ये चार ते पाच विकेटचा समावेश आहे.