राष्ट्रीय ज्युनियर महिला फुटबॉल स्पर्धेत उपांत्य फेरी गाठलेला गोव्याचा संघ. Dainik Gomantak
क्रीडा

National Junior Football: सलग तिसऱ्या विजयासह गोव्याच्या मुली उपांत्य फेरीत; लडाखचा 5-0 ने उडवला धुव्वा

तिन्ही सामन्यांमध्ये दणदणीत विजय; प्रतिस्पर्ध्यांवर डागले 12 गोल

किशोर पेटकर

National Junior Football: गोव्याच्या ज्युनियर मुलींनी धडाकेबाज खेळाची मालिका कायम राखताना मंगळवारी सलग तिसरा सामना जिंकून राष्ट्रीय ज्युनियर महिला फुटबॉल स्पर्धेच्या उपांत्य फेरीत प्रवेश केला. गटसाखळीतील लढतीत त्यांनी लडाख संघाचा 5-0 फरकाने धुव्वा उडविला.

स्पर्धा राजस्थानमधील जोधपूर येथे सुरू आहे. गोव्याच्या विजयात पर्ल फर्नांडिस हिने दोन गोल केले. तिने अनुक्रमे 12व 34 व्या मिनिटास गोल करून गोव्याला आघाडी मिळवून दिली.

नंतर 38 व्या मिनिटास फातिमा ब्रागांझा हिने, 45+3 व्या मिनिटास रिया पत्रे हिने केलेल्या गोलमुळे गोव्याला विश्रांतीला 4-0अशी आघाडी घेतला आली. सामन्यातील पाचवा गोल अनुष्का धारवाडकर हिने 65 व्या मिनिटास केला.

स्पर्धेतील 3 सामन्यांत 12 गोल

गोव्याने स्पर्धेतील तिन्ही सामन्यांत क्लीन शीट राखताना प्रतिस्पर्ध्यांवर तब्बल 12 गोल डागले आहेत. त्यापैकी 8 गोल पर्ल फर्नांडिन हिने एकटीने नोंदविले आहेत. गटसाखळी गोव्याने अनुक्रमे उत्तराखंड (3-0), कर्नाटक (4-0), लडाख (5-0) या संघांवर मात केली.

जीएफए अध्यक्षांकडून अभिनंदन

राष्ट्रीय ज्युनियर महिला फुटबॉल स्पर्धेची उपांत्य फेरी गाठलेल्या गोव्याच्या संघाचे गोवा फुटबॉल असोसिएशनचे (जीएफए) अध्यक्ष कायतान फर्नांडिस यांनी अभिनंदन केले आहे.

संघाच्या यशस्वी कामगिरी पर्ल फर्नांडिस हिने बजावलेल्या सातत्यपूर्ण कामगिरीचे त्यांनी अभिनंदन केलेच, तसेच भारतीय महिला फुटबॉलमधील भावी स्टार असल्याचेही नमूद केले.

जीएफएने महिला फुटबॉलला पाठबळ देताना 13 वर्षांखालील, 15 वर्षांखालील, 17 वर्षांखालील वयोगटात स्पर्धा सुरू केली याकडे कायतान यांनी लक्ष वेधले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT