Nehal Wadhera - Suryakumar Yadav Dainik Gomantak
क्रीडा

Mumbai Indians: RCB विरुद्धचा विजय ऐतिहासिकच! IPL मध्ये कोणालाच जे जमले नाही, ते मुंबईने करून दाखवले

मुंबई इंडियन्सने रॉयल चॅलेंजर्स बेंगलोरविरुद्ध 200 धावांचा यशस्वी पाठलाग करत मोठा विक्रम केला आहे.

Pranali Kodre

Mumbai Indians Record: मंगळवारी इंडियन प्रीमियर लीग 2023 स्पर्धेत मुंबई इंडियन्स विरुद्ध रॉयल चॅलेंजर्स बेंगलोर संघात वानखेडे स्टेडियमवर सामना पार पडला. या सामन्यात मुंबई इंडियन्सने तब्बल 21 चेंडू राखून 6 विकेट्सने विजय मिळवला. मुंबईचा हा विजय विक्रमी ठरला आहे.

या सामन्यात बेंगलोरने मुंबईसमोर विजयासाठी 200 धावांचे आव्हान ठेवले होते. मुंबईने हे आव्हान 16.3 षटकात 4 विकेट्स गमावत सहज पूर्ण केले. महत्त्वाचे म्हणजे चालू आयपीएल हंगामात 200 किंवा त्यापेक्षा अधिक धावांचे आव्हान यशस्वी पूर्ण करण्याची ही मुंबई इंडियन्सची तिसरी वेळ होती.

त्यामुळे एकाच आयपीएल हंगामात तीन वेळा 200 किंवा त्यापेक्षा अधिक धावांचे आव्हान यशस्वी पार करणारा मुंबई इंडियन्स पहिलाच संघ ठरला आहे. यापूर्वी पंजाब किंग्सने 2014 साली आणि चेन्नई सुपर किंग्सने 2018 साली दोन वेळा असा कारनामा केला होता.

त्याचबरोबर 200 किंवा त्यापेक्षा अधिक धावांच्या आव्हानाचा पाठलाग करतानाही आता सर्वाधिक चेंडू राखून विजय मिळवण्याच्या बाबतीतही मुंबई इंडियन्स अव्वल क्रमांकावर आले आहेत. यापूर्वी हा विक्रम दिल्ली कॅपिटल्सच्या नावावर होता. त्यांनी 2017 साली गुजरात लायन्सविरुद्ध 208 धावांचे आव्हान 15 चेंडू राखून पूर्ण केले होते. तसेच पंजाब किंग्सने 2010 साली कोलकाता नाईट रायडर्सविरुद्ध 201 धावांचे आव्हान 10 चेंडू राखून पूर्ण केले होते.

मुंबईसाठी विजय महत्त्वाचा

मुंबईसाठी प्लेऑफच्या दृष्टीनेही हा विजय महत्त्वाचा ठरला आहे. या विजयानंतर आता मुंबईने गुणतालिकेत 12 गुणांसह तिसरे स्थान गाठले आहे. मुंबईने आत्तापर्यंत या हंगामात 11 सामने खेळले असून 6 सामन्यांमध्ये विजय मिळवले आहेत आणि 5 सामने पराभूत झाले आहेत.

मंगळवारी झालेल्या सामन्यात 200 धावांच्या आव्हानाचा यशस्वी पाठलाग करताना मुंबईसाठी सूर्यकुमारने महत्त्वाचा वाटा उचलला. त्याने 35 चेंडूत 83 धावांची खेळी केली. या खेळीत त्याने 7 चौकार आणि 6 षटकार मारले. तसेच त्याने नेहल वढेराबरोबर 140 धावांची भागीदारीही केली.

नेहलनेही नाबाद अर्धशतक करताना 34 चेंडूत 52 धावा ठोकल्या. तसेच त्यापूर्वी ईशान किशनने 21 चेंडूत 42 धावांची खेळी केली होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Ronaldo Goa Visit: फुटबॉलप्रेमींचा हार्टब्रेक! अल नासर गोव्यात दाखल; ख्रिस्तियानो रोनाल्डो अनुपस्थित, चाहते नाराज

Narkasur Chor: गोव्यात 'नरकासुरच पळवला'!! भल्या पहाटे दुचाकीवरून नेला चोरून, व्हिडीओ पाहून हसू आवरेना; Watch Video

Pakistan ODI Captain: पाकिस्तान क्रिकेट क्षेत्रात खळबळ! रिजवानची केली हकालपट्टी; 'या' आक्रमक गोलंदाजाच्या हाती दिले नेतृत्व

Goa Politics: "आम्हाला कोणी बोलावलंच नाही",फातोर्डा मेळाव्यावर पालेकरांचा खुलासा; 'आप'शिवाय विरोधी पक्षांची एकजूट?

Sancoale Theft: गोव्यात आणखी एक मोठी चोरी, सांकवाळ येथे फ्लॅट फोडला; 8.5 लाखांचे दागिने, महागडी घडयाळे लंपास

SCROLL FOR NEXT