BCCI announced Team India Women squad for Matches against England and Australia:

भारतात सध्या क्रिकेटचा हंगात जोरात सुरू आहे. आता बीसीसीआयने भारतीय महिला संघाच्या पुढील मालिकांसाठीही संघ जाहीर केला आहे. भारतीय महिला क्रिकेट संघ डिसेंबर महिन्यात 3 टी20 आणि 2 कसोटी सामने खेळणार आहे. या सामन्यांसाठी महिला निवड समितीने संघांची घोषणा केली आहे.

इंग्लंड आणि ऑस्ट्रेलिया महिला क्रिकेट संघ डिसेंबरमध्ये भारत दौऱ्यावर येणार आहे. त्यामुळे इंग्लंडविरुद्ध भारताला 3 टी20 सामने आणि 1 कसोटी सामना खेळायचा आहे. तसेच त्यानंतर ऑस्ट्रेलियाविरुद्ध एक कसोटी सामना खेळायचा आहे. या सामन्यांसाठी संघनिवड झाली आहे.

दरम्यान, ऑस्ट्रेलियाविरुद्ध मर्यादीत षटकांची मालिकाही होणार आहे, पण त्याबद्दल काही दिवसांनी घोषणा केली जाणार असल्याचे बीसीसीआयने सांगितले आहे.

दरम्यान, सध्या निवडलेल्या टी२० आणि कसोटी संघांचे नेतृत्व हरमनप्रीत कौर करणार आहे, तर उपकर्णधार पदाची जबाबदारी स्मृती मानधनाकडे असणार आहे. याशिया दोन्ही संघात फारसा बदल नाही.

टी20 संघात अमनजोत कौर, श्रेयंका पाटील, मन्नत कश्यप, कनिका अहुजा आणि मिन्नू मणी या खेळाडूंना संधी मिळाली आहे, पण त्यांना कसोटी संघात संधी मिळाली नाही. बाकी सर्व खेळाडू दोन्ही संघांचा भाग आहेत.

वेळापत्रक

भारत विरुद्ध इंग्लंड टी20 मालिका

• 6 डिसेंबर - पहिला टी20 सामना, वानखेडे स्टेडियम, मुंबई (वेळ - संध्या. 7 वाजता)

• 9 डिसेंबर - दुसरा टी20 सामना, वानखेडे स्टेडियम, मुंबई (वेळ - संध्या. 7 वाजता)

• 10 डिसेंबर - तिसरा टी20 सामना, वानखेडे स्टेडियम, मुंबई (वेळ - संध्या. 7 वाजता)

भारत विरुद्ध इंग्लंड कसोटी सामना

• 14 ते 17 डिसेंबर, वानखेडे स्टेडियम, मुंबई (वेळ - स. 9.30 वाजता)

भारत विरुद्ध ऑस्ट्रेलिया कसोटी सामना

• 21 ते 24 डिसेंबर, वानखेडे स्टेडियम, मुंबई (वेळ - स. 9.30 वाजता)