BAN vs ENG: बांगलादेश आणि इंग्लंड यांच्यातील तीन सामन्यांच्या टी-20 मालिकेतील पहिला सामना गुरुवारी खेळला गेला. या सामन्यात बांगलादेशने इंग्लंडचा 6 गडी राखून पराभव केला.

या सामन्यातील विजयासह बांगलादेश संघाने शानदार कामगिरी केली. या सामन्यात बांगलादेशचा कर्णधार शकीब अल हसनने नाणेफेक जिंकून गोलंदाजी करण्याचा निर्णय घेतला.

दरम्यान, प्रथम फलंदाजी करताना इंग्लंडचा (England) संघ निर्धारित 20 षटकांत केवळ 156 धावाच करु शकला. प्रत्युत्तरात बांगलादेश संघाने 12 चेंडूत 4 गडी गमावून 158 धावा करत लक्ष्याचा पाठलाग केला. यादरम्यान बांगलादेश संघाने मोठी कामगिरी करताना इंग्लंड संघाशी आपला हिसाब बरोबर केला.

काय कारनामा केला

इंग्लंडविरुद्ध खेळल्या गेलेल्या मालिकेतील पहिल्या T20 सामन्यातील विजयानंतर बांगलादेश (Bangladesh) संघाने इंग्लंडविरुद्धचा पहिला T20 आंतरराष्ट्रीय सामना जिंकून आपला हिसाब बरोबर केला आहे.

दोन्ही संघांमध्ये आतापर्यंत एकूण 2 टी-20 आंतरराष्ट्रीय सामने खेळले गेले आहेत. या सामन्यांमध्ये आता दोन्ही संघांचे पारडे तुल्यबळ झाले आहे.

या दोन सामन्यांपैकी एक इंग्लंडने तर एक बांगलादेशने जिंकला आहे. या सामन्यात बांगलादेशच्या खेळाडूने शानदार खेळी करत संघाच्या विजयात महत्त्वाची भूमिका बजावली.

या फलंदाजाने शानदार खेळी केली

बांगलादेशचा स्टार फलंदाज नजमुल हुसेन शान्तोने या सामन्यात संघाच्या विजयात महत्त्वाची भूमिका बजावली.

या सामन्यात त्याने 30 चेंडूत 51 धावा केल्या. यादरम्यान त्याने 8 चौकार मारले. दोन्ही संघांमधील पुढील सामना 12 मार्च रोजी होणार आहे. या सामन्यात इंग्लंडचा संघ पुनरागमनाच्या प्रतिक्षेत असेल.

दुसरीकडे, बांगलादेश संघाला हा सामना जिंकून मालिका नावावर करायला आवडेल. दोन्ही संघांमध्ये खेळल्या गेलेल्या एकदिवसीय मालिकेतील तिसरा आणि अंतिम सामनाही बांगलादेशने जिंकला.