Shakib Al Hasan Record In ODI: इंग्लंडविरुद्धच्या तिसऱ्या एकदिवसीय सामन्यात बांगलादेशचा अष्टपैलू खेळाडू शकीब अल हसनने आपल्या कारकिर्दीत एक विशेष कामगिरी केली आहे. एकदिवसीय क्रिकेटमध्ये 300 बळी घेणारा शाकिब बांगलादेशचा पहिला क्रिकेटपटू ठरला आहे.
एक प्रकारे शाकिबने बांगलादेश (Bangladesh) क्रिकेटसाठी नवा इतिहास रचला आहे. इतकेच नाही तर शाकिबने आपल्या वनडे कारकिर्दीत फलंदाजी करताना 300 हून अधिक बळी आणि 6000 हून अधिक धावा करणाऱ्या दिग्गज अष्टपैलू खेळाडूंच्या यादीतही सामील झाला आहे. एकदिवसीय क्रिकेटमध्ये अशी कामगिरी करणारा शाकिब जगातील तिसरा क्रिकेटपटू ठरला आहे.
दरम्यान, शाकिबच्या आधी सनथ जयसूर्या आणि शाहिद आफ्रिदीने असा पराक्रम केला आहे. श्रीलंकेच्या जयसूर्याने एकदिवसीय कारकिर्दीत 13430 धावा आणि 323 विकेट घेतल्या आहेत.
पाकिस्तानच्या (Pakistan) शाहिद आफ्रिदीने 8064 धावा आणि 395 विकेट्स घेण्याचा चमत्कार केला आहे. त्याचबरोबर, आता शाकिबने 6976 धावा आणि एकूण 300 विकेट घेतल्या आहेत.
तसेच, इंग्लंडविरुद्धच्या तिसऱ्या एकदिवसीय सामन्याबद्दल बोलायचे झाल्यास, बांगलादेशने हा सामना 50 धावांनी जिंकण्यात यश मिळवले.
बांगलादेशने प्रथम फलंदाजी करत 48.5 षटकांत 246 धावा केल्या होत्या, त्यानंतर इंग्लिश संघ 43.1 षटकांत केवळ 196 धावाच करु शकला.
बांगलादेशच्या शाकिबने वनडे कारकिर्दीतील 52 वे अर्धशतक झळकावले आणि 75 धावा करुन बाद झाला, गोलंदाजी करताना शकीबने 10 षटकात 35 धावा देत 4 बळी घेतले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.