Traffic Rule Violation in Goa Dainik Gomantak
गोवा

Goa Police: पोलिसांना पाहताच 'ते' गाडी घेऊन सुसाट; पाठलाग करून पकडल्यावर समोर आले सत्य...

आधी रस्त्यावरून नंतर अनमोड घाटातील जंगलात पाठलाग

Akshay Nirmale

Traffic Rule Violation in Goa: दुचाकीवरून विनाहेलमेट चाललेल्या दोन तरूणांना गोवा पोलिसांनी नेहमीप्रमाणे अडवले. पण पोलिसांना पाहताच या तरूणांनी गाडी वेगाने पळवली.

त्यावर पोलिसांनी अत्यंत शिताफीने त्यांचा पाठलाग करत त्यांना अनमोड जंगलातून ताब्यात घेतले. ते दोघेही परप्रांतीय चोर असल्याचे पोलिसांच्या चौकशीत समोर आले आहे.

मोले येथे पोलिस नाकाबंदी करून तपासणी मोहिम राबवत होते. यावेळी प्लेजर या दुचाकीवरून (GA-09-J-3154) दोन तरूण येथे आले. ते मोलेच्या दिशेने आले आणि अनमोडच्या दिशेने चालले होते. दुचाकी चालवणाऱ्याने हेलमेट परिधान केले नव्हते. त्यामुळे पोलिसांनी त्यांना अडवले.

पण पोलिसांना पाहताच त्या तरूणांनी दुचाकी वेगाने पळवायला सुरूवात केली. पोलिसांनी हात दाखवूनही तरूणांनी या चौकातून सुसाट पळ काढला. त्यामुळे पोलिसांना संशय वाटला. पोलिसांनीही त्यांच्या गाडीवरून दुचाकीस्वाराचा पाठलाग सुरू केला.

दुचाकीस्वार अनमोडच्या दिशेने गेले. पोलिसांच्या भीतीने ते अत्यंत वेगाने आणि स्वतःसह दुसऱ्याला धोकादायक ठरू शकेल, अशा रितीने गाडी चालवत होते. अखेर पोलिसांनी त्यांना गाडीवरून गाठले. पोलिसांना जवळ आलेले पाहतात.

प्लेजर दुचाकीवरील या दोन तरूणांनी गाडी रस्त्याकडेला घेऊन गाडी सोडून थेट आणि त्यांनी अनमोड घाटाच्या जंगलाकडे पळत धाव घेतली.

पण पोलिसांनी त्यांचा पाठलाग सोडला नाही. त्यांच्या पाठोपाठ पोलिसही जंगलाच्या दिशेने गेले. पोलिस निरीक्षक कोल्लेम, पोलिस उपनिरीक्षक अजय धुरी यांच्या नेतृत्वाखालील पथकाने जंगलात शोध घेत लपलेल्या या दोघांना शिताफीने पकडले.

त्यांच्याकडे चौकशी केली असता त्यांची दुचाकीदेखील चोरीची असल्याचे समोर आले. नुरअहमद हैदरसाल मुल्ला (वय २४, रा. हुबळी) आणि तैयब फारुख शेख (वय ३२, रा. हुबळी) अशी त्यांची नावे आहेत. ते दोघेही मुळचे हुबळी, कर्नाटक येथील रहिवासी आहेत. त्यांना चोरीप्रकरणी अटक करण्यात आली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Live News: गोवा सरकार गाढ झोपेत, तर गृहमंत्री त्यांच्या राजकीय अजेंड्यात

Goa Contract Professors: कंत्राटी प्राध्यापकांची होणार चांदी, 'समान वेतन-समान काम' सर्वोच्च न्यायालयाकडून स्पष्ट

Goa Crime: गोवा फॉरवर्ड पक्ष युथ विंगच्या उपाध्यक्षावर जीवघेणा हल्ला; कारही फोडली

Julus in Goa: मडगावात ईद ए मिलाद उत्साहात साजरा

Donald Trump: आम्ही रशियासह भारतालाही गमावले! राजनैतिक संबंध विकोपाला गेल्याची ट्रम्प यांनी व्यक्त केली खंत

SCROLL FOR NEXT