सर्वोच्य न्यायालयाचे सरन्यायाधीश डॉ. धनंजय चंद्रचूड यांच्या हस्ते मुख्यमंत्री डॉ. प्रमोद सावंत यांच्या उपस्थितीत आज (दि. १९ ऑक्टोबर) मेरशी येथे उभारलेल्या जिल्हा व सत्र न्यायालयाचे उद्घाटन करण्यात आले. या उद्घाटन सोहळ्यानंतर त्यांनी मुख्यमंत्री व गोव्याचे राज्यपाल श्रीधरन पिल्लई यांच्यसह राजभवनात पुस्तक प्रकाशन सोहळ्याला उपस्थिती लावली. या पुस्तक प्रकाशन सोहळ्यात बोलत असतानाच डॉ. चंद्रचूड यांनी मराठी आणि कोंकणीमध्ये होणाऱ्या न्यायालयीन अनुवादासह इतर अनेक महत्वाच्या मुद्यांवर प्रकाश टाकला.

मराठी आणि कोंकणीमध्ये निवडयांचा अनुवाद:

आत्तापर्यंत सर्वोच्य न्यायालयाचे ३७ हजार निवाडे हिंदीमध्ये अनुवादित झाले आहेत आणि यापुढे सर्वोच्य न्यायालयाचे निवाडे मराठी आणि कोंकणीमध्ये देखील अनुवादित केले जातील अशी मोठी घोषणा त्यांनी याच दरम्यान केली.

भारताच्या स्थानिक भाषांमध्ये हे निवाडे अनुवादित करून आम्ही एक नवीन संदेश दिला आहे असेही ते म्हणालेत. मुंबई उच्च न्यायालयाचे निवाडे व आदेश स्थानिक भाषेत उपलब्ध होण्याची गरज त्यांनी व्यक्त केली असून सर्वोच्य न्यायालयात कोंकणी भाषेतून निवडयांचे भाषांतर करण्याची प्रक्रिया सुरु असल्याची माहिती दिली.

चंद्रचूड गोव्यावर खुश:

डॉ. धनंजय चंद्रचूड गोव्यात होणाऱ्या आर्थिक आणि सामाजिक विकासावर खुश झाले आणि त्यांनी या बदलांसाठी राज्याचे कौतुक देखील केले. आजकाल अनेक भारतीय कंपन्या परदेशात जात व्यवहार करीत आहेत मात्र येणाऱ्या काळात गोवा देखील नक्कीच जागतिक दर्जाचे आर्थिक केंद्र बनेल असा विश्वास त्यांनी व्यक्त केलाय.

गेल्या दोन-तीन दिवसांपूर्वी अनावरण झालेल्या नवीन न्यायदेवतेच्या मूर्तीबद्दल बोलताना ते म्हणालेत की नवीन मूर्तीच्या हातात कोणतीही तलवार नसून भारतचे संविधान आहे. मूर्तीच्या डोळ्यांवरची पट्टी कायमची हटवण्यात आली आहे, याच अर्थ असा होतो की आपला कायदा हा आंधळा नाही, तर तो सर्वांना सामान वागणूक देणारा आहे.