गोमन्तक- सकाळ समूह आयोजित अग्निष्टोम महासोमयाग म्हापसात काणका येथील विश्वाटी विश्वेश्वर देवस्थानच्या परिसरात सोमयाग सुरू आहे. विश्वकल्याणार्थ आयोजित या महासोमयागाला रविवारपासून प्रारंभ झाला आहे. आज यज्ञाच्या तिसऱ्या दिवशी देखील विविध विधी पार पडले. यात प्रामुख्याने 'वेदीकरण' आणि 'प्रवर्ग्य' असे दोन विधी पार पडले.

'वेदीकरण' विधीमध्ये पश्चिम दिशेला यजमानाचे 30 हात इतके अंतर, त्याचप्रमाणे पूर्व भागात यजमानाचे 24 हात एवढे अंतर आणि दक्षिण व उत्तर 36- 36 हात अंतर घेतले जाते. अशा चौकोनी पद्धतीने सोमयागाच्या वेदीची निर्माण केले जाते.

वेदीकरण हा विधी करताना सर्व रूत्विज संपूर्ण जागा मोकळी करतात. या भागात काही झाडे असल्यास ती मंत्रोच्चार करून तोडून काढली जातात. संपूर्ण जागा जज्ञ करण्यायोग्य केली जाते.

त्यानंतर त्यावर शेणंकाला टाकून 'धिष्ण्या' नावाचे ओटे तयार केले जातात. अशा प्रकारे वेदीकरणाचे कार्य केले जाते.

तिसऱ्या दिवशी देखील दुसऱ्या दिवशी सांयकाळी पार पडला त्याच प्रकारचा 'प्रवर्ग्य' विधी पाडला.

अग्निष्टोम् महासोमयागाला आज मोठ्या प्रमाणावर भाविकांनी उपस्थिती लावली होती. रविवारी सुरू झालेला महासोमयाग 10 फेब्रुवारीपर्यंत म्हापसा येथे सुरू राहणार आहे.