मडगाव शहरात भटक्या गुरांचा सुळसुळाट झाला असून ती मुख्य रहदारीच्या ठिकाणी फिरत असतात. त्यामुळे वाहनचालकांना अडथळा निर्माण होत आहे. अपघातांची संख्याही वाढली आहे. या गुरांचा पालिकेने त्वरित बंदोबस्त करावा तसेच त्यांच्या मालकांवर दंडात्मक कारवाई करावी, अशी मागणी करण्यात येत आहे.
शहरातील अनेक मार्गांवर, रस्त्याच्या दोन्ही बाजूंनी मोकाट जनावरांचा वावर वाढला आहे. रस्त्यावरील मुख्य ठिकाणी तसेच दुभाजकामध्ये त्यांचा ठिय्या असतो.
अशीच स्थिती मुख्य बाजारपेठ, आके पॉवर हाऊस जंक्शन, कोलवा सर्कल, रावणफोंड जंक्शन व अन्य ठिकाणी असते. त्यामुळे भविष्यात मोठा अपघात होण्याची शक्यता नाकारता येत नाही. याबाबत बोलताना कुडतरी येथील जुझे कॉस्ता यांनी सांगितले की, आपण पणजीत कामाला जातो.
रात्री यायला उशीर होतो. कदंब बसस्थानकापासून कुडतरी येथे घराच्या ठिकाणी जाण्याच्या रस्त्यावर अनेक ठिकाणी रस्त्याच्या मधोमध ही गुरे ठाण मांडून बसलेली असतात. त्यामुळे वाहन चालविताना काळजी घ्यावी लागते.
तर, शिरवडे-नावेली येथील दीपक नाईक यांनी सांगितले की, भटक्या गुरांमुळे वाहनचालकांना विशेषत: दुचाकीस्वारांना धोका निर्माण झाला आहे. या गुरांचा त्वरित बंदोबस्त करावा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.