पणजी: स्वांतत्र्यदिनानिमित्त गोव्यातील पोलिस व अग्निशमन दलाच्या प्रत्येकी एक तसेच गृहरक्षक व नागरी संरक्षण विभागातील दोन मिळून एकूण चार अधिकाऱ्यांना सर्वोत्कृष्ट सेवेसाठी आज पदके जाहीर झाली. गृहरक्षक व नागरी संरक्षण विभागाच्या सेकंड इन कमांडंट कॅरोलिना फर्नांडिस यांना राष्ट्रपती सेवा पदक देण्यात आले आहे.

(Medail to four officers for exlelant service from Goa Government)

गेली दोन वर्षे स्वातंत्र्यदिनी व प्रजासत्ताकदिनी सर्वोत्कृष्ट सेवेसाठी जाहीर झालेल्या पोलिस, अग्निशमन दल व गृहरक्षक व नागरी सरंक्षण विभागाच्या कर्मचाऱ्यांना उद्या, 15 ऑगस्ट रोजी स्वातंत्र्यदिनी होणाऱ्या कार्यक्रमात मुख्यमंत्री डॉ. प्रमोद सावंत यांच्या हस्ते सेवा पदकाने सन्मानित केले जाणार आहे.

यांचा होणार सन्मान

गृह मंत्रालयाने जाहीर केलेल्या यादीमध्ये कोलवा वाहतूक पोलिस निरीक्षक विजननाथ कवळेकर यांना पोलिस सेवा पदक, अग्निशमन दलाचे उपअधिकारी प्रशांत धारगळकर यांना अग्निशमन सेवा पदक तर नारायण पागी यांना गृहरक्षक व नागरी संरक्षण सेवा पदक देण्यात आले आहेत. तर सेकंड इन कमांडंट कॅरोलिना फर्नांडिस यांचाही या यादीत समावेश आहे.

'हर घर तिरंगा मोहिमे' अंतर्गत पणजीतील मांडवी नदीवर तिरंगा बोट रॅली

भारताच्या स्वातंत्र्याच्या 75 व्या वर्धापन दिनानिमित्त "हरघर तिरंगा मोहिमेचा" भाग म्हणून पणजीतील मांडवी नदीवर तिरंगा बोट रॅलीचे आयोजन करण्यात आले होते.

केंद्रीय दळणवळण विभाग गोवा, माहिती आणि प्रसारण मंत्रालय, भारत सरकार, हर घर तिरंगा मोहिमेचा एक भाग म्हणून रविवारी तिरंगा बोट रॅलीचे आयोजन केले होते, भारताच्या स्वातंत्र्याच्या 75 व्या वर्धापन दिनानिमित्त, 75 तिरंगा असलेले 75 लोक मांडवी नदीतून 75 मिनिटे हर घर तिरंगा ब्रँडिंगने सजवलेल्या क्रूझवर प्रवास केला. यादरम्यान, सांस्कृतिक कार्यक्रमही पार पडले.