Konkan Railway : पेडणे येथे धावत्या ट्रेनमध्ये अल्पवयीन मुलीचा विनयभंग केल्याप्रकरणी महाराष्ट्रातील एकाला अटक करण्यात आली आहे. ही कारवाई कोकण रेल्वे पोलिसांनी केली. झालेल्या प्रकाराबद्दल त्या मुलीच्या आईने पोलिसांत तक्रार दिली.
याबाबत कोकण रेल्वेचे पोलीस निरीक्षक सुनील गुडलर यांनी दिलेल्या माहितीनुसार, मुंबईहून कोचूवेली येथे जाणाऱ्या ट्रेनमध्ये संशयिताचे कुटुंबीय आणि त्या मुलीचे कुटुंबीय प्रवास करीत होते. आज पहाटे 3 च्या सुमारास संशयित मुलाने त्या मुलीला स्पर्श केला. झालेल्या प्रकाराबाबत मुलीने आईला सांगितले.
दरम्यान, ट्रेन मडगाव रेल्वे स्थानकावर पोहोचल्यावर त्या मुलीच्या आईने पोलिसात झालेल्या प्रकाराबद्दल तक्रार दिली. तक्रारीची दखल घेत कोकण रेल्वे पोलिसांनी संशयिताला अटक केली. रोहन शेट्टी (34) रा. ठाणे असे अटक केलेल्या संशयिताचे नाव आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.