Goa Ganesh Chaturthi 2023: येथील नगरपालिका बाजारात सार्वजनिक गणेशोत्सव विश्वस्त मंडळाचा गणेशोत्सव विविध सांस्कृतिक व धार्मिक कार्यक्रमांनिशी सुरू झाला आहे. गुरुवार, ता. २१ रोजी, सकाळी पूजा, आरती, सायं. ६ वा. निषाद क्रिएशन निर्मित ‘आला गं सुगंध मातीचा’ मराठी गीत गायनाचा कार्यक्रम होईल. यात गायक नवाज शेख, अक्षता रामनाथकर, मुक्ता मिसर (जळगांव) सहभागी होतील.

नितीन कोरगांवकर (तबला), महेंद्र मांद्रेकर (सिंथेसायझर), शिवानंद दाभोळकर (संवादिनी), अश्विक जाधव (ऑक्टोपॅड) हे साथसंगत करतील. निवेदन पल्लवी देसाई यांचे असेल.

२३ रोजी, धार्मिक विधी, आरती, सायं. ६ वा. नेहा उपाध्ये हिचे कीर्तन होईल. शेखर नागडे (संवादिनी) व गोरखनाथ मांद्रेकर (तबला) साथसंगत करतील. २४ रोजी पूजा, आरती, सायं. ५ वा. म्हापसा शहरातील दहावी-बारावी व पदवी परिक्षेतील गुणवंत विद्यार्थ्यांचा गौरव करण्यात येईल. या सोहळ्यास मांद्रे कॉलेजचे प्राचार्य तुषार अणवेकर उपस्थित असतील. सायं. ६ वा. जान्हवी बोंद्रे यांच्या सिद्धकला डान्स अकादमीच्या मुलांतर्फे नृत्याविष्कार, रात्री १० वा. हेरंब मुंबई निर्मित लोकनृत्यविष्कार ‘सुपरहिट जल्लोष एक धमाका’ सादर होईल.

२६ रोजी सकाळी पूजा, आरती, सायं. ५ वा. शालेय गीत गायन स्पर्धा, रात्री १० वा. ‘बायांनो नवरे सांभाळा’ हा नाट्यप्रयोग सादर होईल. २७ रोजी,१० वा. सिद्धिविनायक महापूजा, १२ वा. महाआरती, तीर्थप्रसाद, त्यानंतर म्हापसा व्यापारी संघटनेतर्फे दुपारी १ ते ३ पर्यंत महाप्रसाद,

सायं. ५ वा. शशिकला गोवेकर व साथी कलाकारांचे भजन, रात्री १० वा. स्वरनिनाद निर्मित ‘सत्यम शिवम सुंदरम’ गीतांचा कार्यक्रम होईल. २८ रोजी पूजा, आरती, दुपारी ३ वा. उत्तरपूजा, महाआरती, सायं.४ ते ५ पर्यंत पावणी, देणगी कुपन निकाल, नंतर बेळगाव बॅण्ड सह विसर्जन मिरवणूक निघेल.

25 रोजी कथाकथन, वक्तृत्व स्पर्धा, नाटक

25 रोजी पूजा, आरती, सायं. ५ वा. शालेय पातळीवरील कथाकथन व वक्तृत्व स्पर्धा, रात्री १० वा. अर्चना थिएटर्स मुंबई निर्मित नाटक ‘प्रेम करावं पण जपून’ होईल. यात संकेत शेटगे, मृदुल कुलकर्णी, भक्ती तारलेकर, विशाल असगणकर यांच्या भूमिका आहेत.