Victory Merchant Trophy गोव्याच्या मुलांनी विजय मर्चंट करंडक 16 वर्षांखालील क्रिकेट सामन्यात हरियानाविरुद्ध नांगी टाकली. त्यामुळे तीन दिवसीय सामन्याच्या पहिल्याच दिवशी त्यांना मोठी पिछाडी पत्करावी लागली.

सुरत येथील सी. के. पिठावाला स्टेडियमवर सामन्याला शनिवारी सुरवात झाली. नाणेफेक जिंकून गोव्याने प्रथम फलंदाजी स्वीकारली, परंतु हा निर्णय त्यांच्यावर उलटला.

त्यांचा पहिला डाव अवघ्या 84 धावांत संपुष्टात आला. सलामीचा स्वप्नेश नाईक (39) व सातव्या क्रमांकावरील द्विज पालयेकर (23) या दोघांचा अपवाद गोव्याच्या बाकी फलंदाजांनी खेळपट्टीवर फक्त हजेरीच लावली.

गोव्याच्या गोलंदाजांना पूर्ण वर्चस्व राखताना हरियानाने पहिल्या दिवसअखेर 2 बाद 209 धावा केल्या. त्यांच्यापाशी आता 125 धावांची आघाडी जमा झाली आहे.

संक्षिप्त धावफलक

गोवा, पहिला डाव: ३०.५ षटकांत सर्वबाद ८४ (आराध्य गोयल ४, स्वप्नेश नाईक ३९, आशुतोष तेंबकर १, प्रद्युम्न अटपडकर ०, चिगुरुपती व्यंकट ६, साई नाईक ०, द्विज पालयेकर २३, शमिक कामत ०, समर्थ राणे नाबाद ५, जय कांगुरी १, संचित नाईक ०, अंगद मान २०-२, मयांक कटारिया ३०-३, तन्मय बलोडा १८-३).

हरियाना, पहिला डाव: ५९ षटकांत २ बाद २०९ (सक्षम शर्मा ८०, झलक तनेजा ४७, लक्षय नागर नाबाद ५०, करण शोरन नाबाद २७, समर्थ राणे ८-२-२२-०, शमिक कामत ७-१-२४-०, संचित नाईक १३-०-५८-०, द्विज पालयेकर १२-०-३८-०, जय कांगुरी १३-०-३७-१, आराध्य गोयल ६-०-२९-१).