Sattari News: सत्तरीचा विकास हेच एकमेव ध्येय असून येत्या वर्षभरात सत्तरीत १२० कोटीची विकास कामे करणार असुन पंतप्रधान नरेंद्र मोदी यांच्या विचार हाती घेऊन कार्यरत राहणार आहे.

त्याचबरोबर विविध योजना सत्तरीसाठी येणाऱ्या दिवसात राबविले जाणार आहे. सत्तरीवर आपले प्रेम असुन क्रीडा, वेलनेस क्लिनिकसाठी प्रयत्नशील राहणार आहे, सत्तरीच्या विकासात माजी मुख्यमंत्री प्रतापसिंह राणे यांनी पायाभरणी केली होती.

त्याची परंपरा पुढे नेत सत्तरीच्या विकासात सदैव आमचे योगदान राहणार आहे, असे आरोग्यमंत्री विश्वजित राणे यांनी वाळपई नगरपालिका प्रभाग 4 मधील मासोर्ले येथील फुटसाल मैदानाच्या लोकार्पण कार्यक्रमात प्रमुख पाहुणे म्हणून बोलताना केली.

ते म्हणाले की सत्तरीतील लोक हे आपले कुटुंब असून सत्तरीतील तरुणांना सरकारी नोकरी देण्यासाठी प्रयत्न करणार असल्याचे राणे यांनी सांगितले.

यावेळी व्यासपीठावर पर्येच्या आमदार डॉ दिव्या राणे, सुडाचे संचालक गुरुदास पिळणकर, नगराध्यक्ष शेहजीन शेख, सुडाचे अभियंता मुजावर शेख, माजी आमदार नरहरी हळदणकर, उपनगराध्यक्ष अनिल काटकर, अशोक कोंकरे, नगरसेवक रामदास शिरोडकर, फैजल शेख, सय्यद सरफराज, शराफत खान विनोद हळदणकर वैसुद्दीन सय्यद, नगरसेवक प्रसन्ना गावस, निर्मला साखळकर, केरी जिल्हा पंचायत सदस्य देवयानी गावस, नगरगांव जिल्हा पंचायत सदस्य राजश्री काळे यांची उपस्थिती होती.