पणजी: वॉटर मेट्रो टॅक्‍सी सेवेस सुरुवात करून राज्‍याच्‍या पर्यटनाला अधिक चालना देण्‍याचे आणि त्‍यातून अधिकाधिक महसूल मिळवण्‍याचे प्रयत्‍न राज्‍य सरकारने सुरू केले आहे. मुंबईतील ‘मरिटाईम वीक-२०२५’ बैठकीत आमची काही राज्‍यांशी त्‍याबाबतही चर्चा झालेली आहे, अशी माहिती नदी परिवहन मंत्री सुभाष फळदेसाई यांनी बुधवारी पत्रकारांशी बोलताना दिली.
मुंबईत आयोजित ‘मरिटाईम वीक-२०२५’मध्‍ये काहीच दिवसांपूर्वी मुख्‍यमंत्री डॉ. प्रमोद सावंत, मंत्री सुभाष फळदेसाई आणि बंदर कप्‍तान मंत्री दिगंबर कामत यांनी उपस्‍थिती लावली.
या बैठकीत प्रामुख्‍याने जहाज बांधणी प्रकल्‍पाला अधिकाधिक गती देण्‍याच्‍या अनुषंगाने चर्चा झाली. जहाज बांधणी उद्योगात गोवाही सक्रिय असल्‍यामुळे त्‍यासाठी राज्‍याला केंद्राकडून निधी मिळेल.
याआधी राज्‍यातील जेटी तसेच जलवाहतुकीतील साधनसुविधांच्‍या विकासासाठी केंद्र सरकारने राज्‍याला २०० कोटींचा निधी दिलेला आहे.
यापुढे राज्‍यात वॉटर मेट्रो टॅक्‍सी सेवा सुरू करून देश-विदेशातून गोव्यात येणाऱ्या पर्यटकांना गोव्‍यातील सर्वच पर्यटनस्‍थळांचा आस्‍वाद देण्‍याचा निर्णय सरकारने केलेला आहे. या सेवेमुळे राज्‍यातील पर्यटनाला चालना मिळण्‍यासह मोठ्या प्रमाणात महसुलही मिळणार आहे, असे ते म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.