पणजी : गोवा बाल न्यायालयाने एका धक्कादायक प्रकरणात हेमंत दास (२३) या युवकाला २०२० मध्ये बांबोळी येथे दोन अल्पवयीन भावांवर लैंगिक अत्याचार केल्याप्रकरणी दोषी ठरविले आहे. लवकरच त्याला शिक्षा ठोठावली जाईल. हा निवाडा बालकांच्या सुरक्षिततेसंदर्भात कायद्याची कठोर अंमलबजावणी अधोरेखित करणारा ठरला आहे.
आगशी पोलिसांनी दाखल केलेल्या गुन्ह्यानुसार, दास हा गोवा वैद्यकीय महाविद्यालयाच्या परिसरात राहात होता आणि एप्रिल ते जून २०२० या तीन महिन्यांच्या काळात ९ आणि ११ वर्षे वयोगटातील दोन मुलांवर त्‍याने लैंगिक अत्याचार केले.
१३ जुलै २०२० रोजी पीडितांच्या आईने दाखल केलेल्या तक्रारीनंतर आरोपीविरुद्ध कारवाई सुरू झाली. त्याच दिवशी पोलिसांनी त्याला अटक केली होती आणि तेव्हापासून तो न्यायालयीन कोठडीत आहे.
या गुन्ह्यांबाबत दासवर भारतीय दंडसंहिता, गोवा बाल कायदा, २००३ आणि ‘लैंगिक गुन्ह्यांपासून बालकांचे संरक्षण (पोक्सो) कायदा, २०१२’ या कठोर कायद्यांखाली गुन्हे नोंदवले गेले.
तपास अधिकारी उपनिरीक्षक मंदार परब यांच्या नेतृत्वाखाली आगशी पोलिसांनी सखोल तपास पूर्ण केला. सरकारी वकील स्वाती परब गावकर यांनी न्यायालयात प्रभावी मांडणी करत आरोपीविरुद्धचे पुरावे ठोसपणे सादर केले.
न्यायालयाने आरोपी दोषी असल्याचे नमूद केले. या निर्णयामुळे गोव्यातील न्यायसंस्था बालकांवरील अत्याचारांविरोधात भूमिका कायम ठेवणार असल्याचा ठाम संदेश देण्यात आला आहे.
प्रकरणाची पार्श्वभूमी अशी
घटना कालावधी : एप्रिल ते जून २०२०
ठिकाण : बांबोळी
पीडित : ९ व ११ वर्षांचे दोन सख्खे भाऊ
तक्रार : १३ जुलै २०२० रोजी पीडितांच्या आईकडून दाखल
अटक : त्याच दिवशी हेमंत दासला पोलिसांनी पकडले
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
