Goa News: श्री रामराज्य दिग्विजय रथयात्रेचे कुठ्ठाळी जंक्शनवर वीजमंत्री सुदिन ढवळीकर यांनी स्वागत केले. यावेळी त्यांच्यासमवेत चित्रा फडते, माजी आमदार मोहन आमशेकर, संतोष महानंदू नाईक, नारायण नाईक, अच्युत नाईक, नागेश नाईक, संदीप नाईक आणि भक्तगण उपस्थित होते.

यावेळी वाहतूक पोलिस निरीक्षक शैलेश नार्वेकर, पोलिस निरीक्षक डायगो ग्रासियस, पोलिस अधीक्षक सुबोध शिरवईकर उपस्थित होते. सांकवाळ येथील श्री लक्ष्मी-नृसिंह शांतादुर्गा मंदिरासमोर आमदार आंतोन वाझ यांनी रथयात्रेचे स्वागत केले.

यावेळी राजेंद्र नाईक, देवस्थानचे पदाधिकारी उपस्थित होते. सुवासिनींनी आरती ओवाळून रथयात्रेचे स्वागत केले. भाविकांनी ‘जय श्रीराम’ अशा घोषणा दिल्या.