Generic Medicine : जेनेरिक औषधे परिणामकारक आहेत, त्यांचा प्रचार आणि प्रसार होणे अपेक्षित आहे. राज्यात डॉक्टर, परिचारिका, आरोग्य सेवकांनी या औषधांचा प्रसार होण्यासाठी प्रयत्न केले पाहिजेत. या औषधांचा प्रचार व प्रसार करताना मागे राहू नका, असे आवाहन मुख्यमंत्री डॉ. प्रमोद सावंत यांनी केले.

येथील इन्स्टिट्यूट ऑफ मिनेझिस ब्रागांझा हॉलमध्ये आरोग्य सेवा संचालनालयाच्यावतीने सोमवारी आयोजित पाचव्या जेनेरिक औषध दिनाच्या निमित्ताने आयोजित कार्यक्रमात मुख्यमंत्री प्रमुख पाहुणे म्हणून बोलत होते.

याप्रसंगी व्यासपीठावर आरोग्य मंत्री विश्‍वजित राणे, आरोग्य सेवा संचालक गीता काकोडकर, अन्न व औषध प्रशासनाच्या संचालक ज्योती सरदेसाई, आरोग्य खात्यातील श्रीपाद आर्लेकर यांची उपस्थित होती. याप्रसंगी राज्यात जनऔषधालये चालविणाऱ्या 11 जणांचा सन्मान करण्यात आला.

मुख्यमंत्री म्हणाले, आरोग्य सेवा क्षेत्रात विविध सुविधा कशा देता येतील, असे सरकार पाहत आहे. जेनेरिक औषधे ज्याप्रमाणे प्रमोट करायला हवी होती, ते झाले नाहीत.