Mandrem Goa Carnival Schedule 2025

मांद्रे: सध्या राज्यात कार्निव्हलची धूम सुरु आहे. सोमवार (दि. ३ मार्च) आणि मंगळवार (दि. ४ मार्च) रोजी मांद्रे येथे कार्निव्हलचे आयोजन करण्यात आले आहे. या कार्निव्हलच्या फेरीत अधिकाधिक स्थानिकांनी तसेच पर्यटकांनी उपस्थित रहावे असे निमंत्रण मांद्रेचे आमदार जीत आरोलकर यांनी दिलेय. सोमवारी मांद्रे येथे स्टेजवरील कार्यक्रम होणार आहेत तर मंगळवारी मांद्रे येथे संध्याकाळी ६:३० वाजता कार्निव्हलची फेरी भरेल.

कार्निव्हलच्या फेरीची स्थानिक तसेच पर्यटकांना मजा लुटता यावी म्हणून गेल्यावर्षीपासून ही फेरी आश्वे येथे हलवण्यात आली आहे. "यंदाच्या वर्षी देखील अधिकाधिक लोकांना या कार्निव्हलचा आनंद घेता यावा म्हणून आम्ही पुरेपूर प्रयत्न केले आहेत" असं आमदार जीत आरोलकर म्हणालेत.

यंदाच्या वर्षी मांद्रे येथील कार्निव्हलमध्ये वेगवेगळे संगीतकार, गायक,डीजे यांचा समावेश केला गेलाय आणि म्हणून सर्वांनी या कार्यक्रमाचा मनसोक्त आनंद लुटावा असे आव्हान जीत आरोलकर यांनी केले आहे.

मांद्रे येथील कार्निव्हल कसा असेल?

सोमवारी मांद्रे येथे कार्निव्हलची सुरूवात होणार आहे. संध्याकाळी ५ वाजता कार्निव्हलची सुरवात होईल यानंतर डीजे मस्ती नावाचा एक कार्यक्रम आयोजित करण्यात आलाय, जो की संध्याकाळी ६:३० वाजता होणार आहे. रात्री ८ वाजता सुखबीर लाईव्ह असा एक कार्यक्रम होईल आणि सर्वात शेवटी रात्री १० वाजता डीजे हिमानी सिंग हिचा कार्यक्रम होईल.

दुसऱ्या दिवशी संध्याकाळी ४ वाजता डीजे मस्ती या कार्यक्रमाने कार्निव्हलची सुरुवात होईल. याशिवाय ६:३० वाजता कार्निव्हलची फेरी सुरु होईल आणि स्टेजवर सुद्धा मनोरंजनपर कार्यक्रम असणार आहेत. मांद्रे येथे होणाऱ्या या दोन दिवसांच्या कार्यक्रमात अनेक आकर्षक बक्षिसांचा देखील समावेश करण्यात आला आहे.