Mapusa Theft Case: बार्देश येथील दुचाकी चोरीचा छडा केवळ चोवीस तासांच्या आत लावत पोलिसांनी चोरट्याच्या मुसक्या आवळल्या आहेत.

या बाबत मिळालेल्या प्राथमिक माहिती नुसार बार्देश येथील सूरज पुरुषोत्तम कारापूरकर यांची एप्रिलिया हि दुचाकी चोरीला गेल्याची तक्रार त्यांनी सालींगाव पोलीस स्थानकात दिली होती. त्यांनी यासंबंधी अनिकेत मुल अजॉय रॉय, (वय: 22 वर्षे, मूळ रहिवासी मेघालय, सध्या वास्तव्य सांगोल्डा, बार्देश) याच्यावर संशय व्यक्त केला होता.

तक्रारीची माहिती मिळताच पीएसआय मिलिंद यांच्या देखरेखीखाली पीएसआय फ्रान्सिस्को झेवियर आणि पीसी सर्वेश गवस यांच्यासहित पोलिसांची टीम 17 तारखेला बंगळुरूला रवाना झाली. त्यांनी उपलब्ध माहितीच्या आधारे संशयित आरोपीला पकडले असता त्याच्याकडे चोरीची दुचाकी आढळून आली.

तसेच त्याची झडती घेतल्यावर आरोपीने चोरी केलेल्या अन्य दुचाकीही पोलिसांनी जप्त केल्या. सदर घटनेचा अधिक तपास सालींगाव पीएस मिलिंद भुईंबर, पर्वरी एसडीपीओ विश्वेश कर्पे आणि एसपी निधिन वलसन यांच्या देखरेखीखाली पीएसआय फ्रान्सिस्को झेवियर करत आहेत.

तसेच फोंडा येथी एका दुचाकी चोरीचा देखील शोध पोलिसांनी मोठ्या सतर्कतेने लावलाय. सध्या गोव्यात राहत असलेल्या पणू मूळच्या पंढरपूर येथील असलेल्या एकाची दुचाकी चोरल्याप्रकरणी चोरट्यास पोलिसांनी अटक केली आहे. पोलिसांनी तातडीने पावले उचलत 24 तासांच्या आत चोरट्याला अटक केली आहे. सुशांत गावडे असे या प्रकरणातील संशयिताचे नाव आहे.