Goa Crime Case: पांझरखाणी कुंक्कळी येथे कार आणि दुचाकीत अपघात होऊन दुचाकी चालक यश घोडेकर याचा मृत्यू झाल्याची बातमी समोर येतेय.

या अपघातातील कार चालक गिरीश कोमरपंत याच्यावर कुंक्कळी पोलीस स्थानकात गुन्हा दाखल करण्यात आल्याचीही प्राथमिक माहिती मिळतेय.

या घटनेसंबंधी सविस्तर माहिती अद्याप उपलब्ध होऊ शकली नाही. मात्र राज्यातील रस्ते अपघातांच्या वाढत्या संख्येमुळे पुन्हा एकदा चिंता व्यक्त केली जात आहे.

तर कुर्टी फोंडा ते मोले दरम्यान कदंबा बस मधून प्रवास करणाऱ्या बेळगाव येथील एका महिलेची पर्स चोरीला गेल्याची घटना घडली असून सुमारे 3.5 लाखांचा ऐवज लंपास झल्याची माहिती समोर आली आहे. या घटनेबाबतही अद्याप सविस्तर माहिती समजू शकली नाहीय.

वाहतूक पोलीस अपघातग्रस्त जागी तैनात असून काही बेशिस्त वाहनचालकांमुळे अपघात घडल्याचे प्रकार होत आहेत.

रविवारी सकाळी म्हापसा-शिवोली मार्गावरील झेवियर कॉलेज रोडवर इलेक्ट्रिक दुचाकी आणि अँप टॅक्सी मध्ये अपघात झालाय.

हा अपघात CCTV मध्ये कैद झालाय. सदर अपघातामध्ये टॅक्सी चालकाचे गाडीवरील नियंत्रण सुटल्याचे व्हिडिओमध्ये दिसत असून त्याची इलेक्ट्रिक दुचाकीला धडक बसली.

ही धडक एवढी जबरदस्त हाती की दुचाकीस्वाराच्या मागे बसलेली व्यक्ती धक्क्याने उडून रस्त्याच्या बाहेर जाऊन पडली.