Goa Accident: म्हापसा-शिवोली मार्गावर टॅक्सी- दुचाकीमध्ये अपघात, एकजण गंभीर

Goa Accident: गोव्यात सध्या 31st ची धूम सुरु झालीय. देशोदेशीचे पर्यटक गोव्यात दाखल झाले आहेत. यामुळे वाहतुकीवर प्रचंड ताण आल्याचे दिसत आहे.

वाहतूक पोलीस अपघातग्रस्त जागी तैनात असून काही बेशिस्त वाहनचालकांमुळे अपघात घडल्याचे प्रकार होत आहेत. रविवारी सकाळी म्हापसा-शिवोली मार्गावरील झेवियर कॉलेज रोडवर इलेक्ट्रिक दुचाकी आणि अँप टॅक्सी मध्ये अपघात झालाय.

हा अपघात cctv मध्ये कैद झालाय. सदर अपघातामध्ये टॅक्सी चालकाचे गाडीवरील नियंत्रण सुटल्याचे व्हिडिओमध्ये दिसत असून त्याची इलेक्ट्रिक दुचाकीला धडक बसली. ही धडक एवढी जबरदस्त हाती की दुचाकीस्वाराच्या मागे बसलेली व्यक्ती धक्क्याने उडून रस्त्याच्या बाहेर जाऊन पडली.

या व्यक्तीला गंभीर दुखापत झाली असून त्याला हॉस्पिटलमध्ये दाखल गेल्याचे समजतेय. अपघाताविषयी अद्याप सविस्तर माहिती हाती आली नाहीय

तसेच या घटनेची पोलिसांत नोंद झाली कि नाही याची माहिती मिळू शकली नाही. या घटनांमुळे राज्यात अपघातांच्या घटनांमंध्ये सातत्यानं वाढ होत असल्याचे समोर येतेय.