Vijay Sardesai: माडाची फेणी, माडाचा गूळ आणि व्हिनेगर या तीन वस्तूंना जीआयटॅग मिळावा, अशी गोवा टॉडी टेपर्स संघटनेने जी मागणी केली आहे. तिला गोवा फॉरवर्ड पक्षाचे अध्यक्ष विजय सरदेसाई यांनी पाठिंबा दिला असून यासाठी सरकार पातळीवर त्वरित प्रयत्न सुरू करावेत, अशी मागणी करणारे पत्र राज्याच्या मुख्य सचिवांना पाठविले आहे.

माडाच्या फेणीला 400 वर्षांचा इतिहास आहे. ते फक्त साधे पेय नाही, तर गोव्याच्या परंपरेशी त्याचा संबंध आहे. अशा पेयाला विश्व मान्यता मिळण्यासाठी सर्व ते प्रयत्न करणे, हे सरकारचे कर्तव्य आहे.

माडाचा गूळ आणि व्हिनेगर यांनाही गोव्याच्या खानपान संस्कृतीत विशेष स्थान आहे. ही बाब लक्षात घेऊन या तिन्ही पदार्थांना जीआयटॅग मिळावा, यासाठी जी प्रक्रिया आहे ती लवकरात लवकर सुरू करावी, अशी मागणी सरदेसाई यांनी केली आहे.