Goa Crime क्राईम ब्रँचने कुंकळ्ळी आयडीसी येथील एका दुकानावर छापा टाकून ‘किंग ऑफ गेम’ या नावाखाली सुरू असलेल्या ऑनलाईन जुगार अड्ड्यावर कारवाई केली व रोहित मंगल साहू, आसिफ खान, केविन रिबेलो, सनिफ कार्व्हालो, जोविस ओलिव्हेरा या पाच जणांना अटक केली.

या छाप्यावेळी पोलिसांनी रोख रकमेसह जुगारासाठी वापरण्यात येणारे इलेक्ट्रॉनिक साहित्य जप्त केले. या छाप्यावेळी पोलिसांनी 30,100 रुपये रोख, 2 लॅपटॉप, एक सीपीयू कम्प्युटर तसेच वापरण्यात येणारे साहित्य जप्त केले.

यावेळी पोलिसांनी केलेल्या चौकशीत हे दुकान कुंकळ्ळी येथील प्रितेश देसाई याच्या मालकीचे असून सध्या तो फरारी आहे. त्याचा शोध घेण्यात येत असल्याची माहिती क्राईम ब्रॅंचचे पोलिस अतिरिक्त अधीक्षक राजू राऊत देसाई यांनी दिली.