गोवा: मुख्यमंत्री प्रमोद सावंत यांच्या उपस्थितीत विधानसभा सभापतीपदासाठी भाजपतर्फे काणकोणचे आमदार रमेश तवडकर यांनी अर्ज सादर केला. (Canacona BJP MLA Ramesh Tawadkar has filed his nomination for the post of Goa Legislative Assembly)

गोवा विधानसभेच्या (Goa Assembly 2022) अध्यक्षपदासाठी काणकोण भाजपचे आमदार रमेश तवडकर यांनी काळजीवाहु मुख्यमंत्री प्रमोद सावंत यांच्या उपस्थितीत अर्ज दाखल केला आहे. मुख्यमंत्र्यांनी प्रसारमाध्यमांशी बोलताना सांगितले की, त्यांना सध्या 25 आमदारांचा पाठिंबा आहे. ज्यात भाजप, एमजीपी आणि 3 अपक्षांचा समावेश आहे. रमेश तवडकर यांच्या बाजूने जादा दोन-तीन मते मिळण्याची शक्यता असल्याचे त्यांनी सांगितले.

श्यामा प्रसाद मुखर्जी स्टेडियमवर होणार शपथविधी सोहळा

मुख्यमंत्री सावंत (CM Pramod Sawant) आणि त्यांच्या मंत्रिमंडळातील सदस्यांचा शपथविधी सोहळा सोमवार, 28 मार्च रोजी सकाळी 11 वाजता श्यामा प्रसाद मुखर्जी स्टेडियमवर होणार आहे. या ठिकाणी कायदा व सुव्यवस्था, वाहतूक इत्यादींबाबत पोलिस (Police) आणि प्रशासन काम करत आहे.

शपथविधी समारंभाला 60,000 लोकांची उपस्थिती अपेक्षित

प्रमोद सावंत सरकारच्या शपथविधी समारंभाला 60,000 लोकांची उपस्थिती अपेक्षित आहे. पंतप्रधान नरेंद्र मोदींसह भाजपचे प्रमुख नेते सोमवारी या कार्यक्रमाला उपस्थित राहणार असल्याने बहुस्तरीय सुरक्षा व्यवस्था करण्यात आली आहे, अशी माहिती समोर येत आहे.