कामुर्ली: मैत्रिणीला भेटायला आलेल्या एक मुलाला चार जणांच्या समूहाने जबर मारहाण करण्याचा प्रसंग कामुर्ली येथील परिसरात घडला. ऋत्विक सावंत (वय, २४ ) या युवकाचे नाव असून प्रकरणात सामील चार जणांनी अटकपूर्व जमिनीसाठी न्यायालयात धाव घेतली असून शुक्रवारी (दि. २७ डिसेंबर) रोजी या घटनेवर न्यायालयात पुढील सुनावणी होणार आहे.
ही घटना २२ डिसेंबर रोजी संध्याकाळी घडली होती. ऋत्विक सावंत हा दरम्यान त्याच्या मैत्रिणीला भेटायला कामुर्ली येथे आला होता आणि यावेळीच चार अज्ञात माणसांनी त्याला लाथाबुक्की व दंडुक्याच्या जबर मारहाण केली होती.
ही मारहाण अत्यंत जबर असून ऋत्विकचा यामध्ये हात मोडला आहे आणि त्याच्यावर उपचार सुरू आहेत. या प्रकरणानंतर जखमी ऋत्विक सावंत याचे वडील राय सावंत यांनी कोलवाळ पोलीस स्थानकात चार आरोपींविरुद्ध तक्रार दाखल केली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.