Bandodkar T-20 League: बांदोडकर करंडक टी-२० क्रिकेट स्पर्धेत जीनो स्पोर्टस क्लब आणि साळगावकर क्रिकेट क्लब यांच्यात विजेतेपदासाठी लढत होईल. अंतिम सामना गुरुवारी (ता. २०) कांपाल येथील भाऊसाहेब बांदोडकर मैदानावर खेळला जाईल.
स्पर्धेच्या उपांत्य फेरीत बुधवारी साळगावकर क्लबने यजमान पणजी जिमखान्यास १७ धावांनी नमविले, तर जीनो स्पोर्टस क्लबने चौगुले स्पोर्टस क्लबवर सात विकेट राखून मात केली. जीनो क्लबच्या सोहराब धालिवाल याने आक्रमक नाबाद शतक नोंदवत संघाला १५.२ षटकांत सोपा विजय मिळवून दिला.
संक्षिप्त धावफलक
चौगुले स्पोर्टस क्लब: २० षटकांत ८ बाद १७५ (कश्यप बखले ३१, दिव्यांश २८, कृष्णा ठाकूर २५, शुभम गजिनकर २८, समीत आर्यन मिश्रा २-२१, मयांक रावत ३-२८) पराभूत विरुद्ध जीनो स्पोर्टस क्लब: १५.२ षटकांत ३ बाद १७८ (ईशान गडेकर ३९, सोहराब धालिवाल नाबाद १०१- ५२ चेंडू, ६ चौकार, ८ षटकार, मयांक रावत नाबाद २९, कृष्ण ठाकूर २-२७).
साळगावकर क्रिकेट क्लब: २० षटकांत ९ बाद १५० (अमोघ देसाई ३८, आदित्य सूर्यवंशी २७, सुबोध भट्टी २८, शुभम तारी ३-३६, अचित शिगवण ३-३४, शुभम देसाई २-२८) विजयी विरुद्ध पणजी जिमखाना: १९.३ षटकांत सर्वबाद १३३ (स्नेहल कवठणकर ४४, निनाद रठवा २९, अथर्व अंकोलेकर २-२२, लकमेश पावणे २-२६, दीपराज गावकर ३-२९).
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.