राज्यातील जमीन हडप प्रकरणाचा तपास सध्या गुन्हे अन्वेषण विभागाच्या विशेष तपास पथकाकडे (एसआयटी) आहे. कळंगुट येथील सर्वे क्रमांक 24/5 व 24/2 मधील डेब्रा मास्कारेन्हस गोईश परेरा ऊर्फ डेब्रा फातिमा ओलिव्ह मास्कारेन्हस यांची जमीन हडप केल्याप्रकरणी गुन्हे अन्वेषण शाखेने मोहम्मद सुहेलला पाचव्यांदा अटक केली होती.

दरम्यान, मोहम्मद सुहेलला म्हापसा न्याय दंडाधिकारी प्रथम वर्ग (JMFC) न्यायालयात हजर केले असता जेएमएफसीने सलग पाचव्या अटकेसाठी जामीन मंजूर केला आहे. न्यायालयाने पंधरा हजारचे दोन जामीन भरण्याचे निर्देश दिले आहेत.

मोहम्मद सुहेल याचा राज्यातील बहुतेक जमीन हडप प्रकरणांमध्ये लागेबांधे आहेत. डेब्रा मास्कारेन्हस गोईश परेरा यांनी दिलेल्या तक्रारीत बार्देश येथील उपनिबंधक कार्यालयात जाऊन त्यांच्या जमिनीची चौकशी करून माहिती घेतली असता, त्यांच्या जमिनीची विक्री झाली असल्याचे उघडकीस आले.