पणजी: हडफडे येथील बर्च बाय रोमिओ लेन नाईट क्लबमध्ये लागलेल्या भीषण आगीत मृत्युमुखी पडलेल्या २० कामगारांच्या कुटुंबीयांना अद्याप नुकसानभरपाई न मिळाल्याच्या प्रकरणाची गोवा मानवाधिकार आयोगाने गंभीर दखल घेतली आहे.
यासंदर्भात आयोगाने गोव्याच्या कामगार आयुक्तांना नोटीस बजावली आहे. हटिल एम्प्लॉई फेडरेशन ऑफ इंडिया या संघटनेने २२ डिसेंबर २०२५ रोजी मानवाधिकार आयोगाकडे यासंदर्भांत तक्रार दाखल केल्याने ही कारवाई करण्यात आली.
कर्मचारी नुकसानभरपाई कायद्यानुसार मृत कामगारांच्या कायदेशीर वारसांना तत्काळ भरपाई मिळावी, यासाठी आयोगाने हस्तक्षेप करावा, अशी मागणी संघटनेने केली आहे, शनिवार, ६ डिसेंबर २०२५ रोजी रात्री पडलेल्या या दर्घटनेत २५ जणांचा मृत्यू झाला होता.
त्यापैकी २० जण हे संबंधित नाईट क्लबचे कर्मचारी होते. हे कामगार झारखंड, आसाम, उत्तराखंड, उत्तर प्रदेश, पश्चिम बंगाल, महाराष्ट्र, नेपाळ येथील स्थलांतरित कामगार होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.