Benaulim Constituency

मडगाव: बाणावली मतदारसंघ हा एकेकाळी काँग्रेस पक्षाचा बालेकिल्ला होता. आजही या मतदारसंघात काँग्रेसचे बऱ्यापैकी मतदार आहेत. नुकत्याच झालेल्या लोकसभा निवडणुकीत या मतदारसंघात काँग्रेसला चांगली मते मिळाली होती.

या पार्श्वभूमीवर काँग्रेस येणाऱ्या विधानसभा निवडणुकीत या मतदारसंघातून आपला स्वतःचा उमेदवार उभा करून त्याला निवडून आणण्याचा प्रयत्न करेल, अशी माहिती काँग्रेसच्या गोवा प्रभारी डॉ. अंजली निंबाळकर यांनी दिली.

बाणावली मतदारसंघात काँग्रेस कार्यकर्त्यांची आज बैठक आयोजित करण्यात आली होती. या बैठकीला डॉ. निंबाळकर यांच्यासह प्रदेश समितीचे उपाध्यक्ष एम. के. शेख, दक्षिण गोवा जिल्हा अध्यक्ष सावियो डिसिल्वा हे उपास्थित होते.

इंडिया आघाडीचा घटक पक्ष असलेल्या आप पक्षाचा बाणावलीत आमदार असताना तुम्ही या मतदारसंघातून तुमचा उमेदवार कसा उभा करणार असे विचारले असता, लोकसभा निवडणुकीसाठी ही युती होती, असे त्यांनी सांगितले.