काणकोण: चित्ताकुल्ला येथील सदाशिवगड-कारवार पोलिसांनी पणजी- बंगळूरू या खाजगी प्रवासी बसने प्रवास करीत असलेल्या एका प्रवाशाकडून एक कोटींची रोकड जप्त केली. सोमवारी मध्यरात्रीनंतर चित्ताकुला पोलिस स्थानकाचे अधिकारी प्रवाशांची तपासणी करीत होते.
पणजी-बेंगळुरु बसच्या तपासणीवेळी राजस्थानातील कल्पेश कुमार याच्या बॅगेत ही मोठी रक्कम सापडली. त्याच्या बरोबर प्रवास करणारे राजस्थान येथील ऋतब कुमार यांच्या बंगत काहींच संशायास्पद सापडले नाही. मात्र, या एवढ्या मोठ्या प्रमाणात रोकड घेऊन प्रवास करत असल्याबाबतची वैध कागदपत्रे ते सादर करू न शकल्याने त्यांना पोलिसांनी ताब्यात घेतले आहे.
एक कोटी रुपयांएवढ्या मोठ्या प्रमाणात रोकड सापडल्याने ती रक्कम संबंधित संशयित हवाला व्यवहारात गुंतविण्याच्या उद्देशाने बाळगून होते, असा संशय पोलिसांनी व्यक्त केला आहे.
काणकोण पोलिस स्थानकाचे पोलिस हरिष राऊत देसाई यांनी पणजी येथून पणजी-बंगळूरु अशा खासगी प्रवासी बसमधून प्रवास करणाया प्रवाशांकडून चित्ताकुल्ला सदाशिव गड पोलिसांनी एक कोटींची रोकड ताब्यात घेतल्याच्या वृत्ताला दुजोरा दिला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.