Virendra Sehwag Virat Tweet on Pakistan: भारत आणि पाकिस्तान यांच्यात सुरू असलेल्या तणाव अजूनही शांत होण्याचं नाव घेत नाहीये. शनिवार(दि.१०) रोजी दोन्ही देशांमध्ये शस्त्रसंधी करण्यावर एकमत झाल्याने युद्ध थांबल्याच्या बातम्या समोर येत होत्या, मात्र केवळ तीन तासांत पाकिस्तानकडून या शस्त्रसंधी कारारचे उल्लंघन झाल्याने पुन्हा एकदा संताप उफाळून आलाय. भारताचा माजी क्रिकेटपटू वीरेन्द्र सहवाग यांने सोशल मिडियावर पाकिस्तानच्या या कृतीचा निषेध व्यक्त केलाय.

शस्त्रसंधीचे उल्लंघन केलेल्या पाकिस्तानवर राग व्यक्त करत वीरेन्द्र सेहवाग याने पाकिस्तानला उद्देशून "कुत्र्याची शेपूट वाकडी ती वाकडीच" या म्हणीचा वापर केलाय. सध्या सेहवागने केलेलं हे रोखठोक विधान त्याच्या भारतीय चाहत्यांनी उचलून धरलंय.

"कुत्ते की दुम.." असं म्हणत त्याने पाकिस्तान त्याच्या कुरापती कधीही सोडणार नाही असंच म्हटलंय. दोन्ही देशांमध्ये शस्त्रसंधीचं बोलणं झाल्यानंतर पाकिस्तान किमान या कराराचं पालन करेल अशी अपेक्षा बाळगली जात होती.

मात्र केवळ तीन तासांत पाकिस्तानने सीमेवर पुन्हा हल्ला चढवल्याने पाकिस्तान सारख्या राष्ट्राकडून अपेक्षा बाळगली जाऊच शकत नाही हे स्पष्ट झालं आहे.

भारतीय सैन्याला पुन्हा एकदा पाकिस्तानचा इरादा हाणून पाडण्यात सैन्याला यश मिळालं आहे. पाकिस्तानने शनिवारी रात्री जम्मूसह राजस्थान आणि पंजाब या ठिकाणी देखील हल्ला केल्याच्या बातम्या समोर आल्या होत्या, मात्र भारतीय सैन्याने पूर्ण संयमाने हा हल्ला देखील परतवून लावला आहे. शस्त्रसंधीचं उल्लंघन झाल्यानंतर आता पुन्हा एकदा भारतीय संरक्षण मंत्रालयाकडून माहिती दिली जाईल. पाकिस्तानच्या या कृतीचा संपूर्ण देशभरातून निषेध व्यक्त केला जातोय, भारतीय सेना आणि रक्षा मंत्रालय याला काय उत्तर देतो याकडे सर्वांची नजर लागून आहे.