'Film studio in space', 'Olympics in France after 100 years...' 'These' things will happen in the world in 2024:
लवकरच नव्या वर्षाचं आगमन होत आहे... 2024 मध्ये आपल्यापैकी अनेकांनी काहीतरी नवीन करण्याचा विचार केला असेल. 2024 हे वर्ष अनेक अर्थांनी संपूर्ण जगासाठी खास असणार आहे.
नवीन वर्षात तुम्हाला अंतराळात फिल्म स्टुडिओ पाहायला मिळेल. त्याचबरोबर कुपोषण दूर करेल असे औषध येणार आहे. तर फ्रान्सच्या पॅरिसमध्ये 100 वर्षांनंतर तिसऱ्यांना ऑलिम्पिक स्पर्धा होणार आहे.
2024 साली अंतराळात चित्रपट स्टुडिओ दिसतील. या स्पेस स्टुडिओचे नाव SEE-1 असे असेल. डिसेंबर 2024 मध्ये स्टुडिओ तयार होण्याची अपेक्षा आहे. त्यानंतर या स्टुडिओमध्ये काम सुरू होईल.
या स्टुडिओमध्ये चित्रपटाचे चित्रीकरण जमिनीपासून 250 मीटर उंचीवर होणार आहे. कलाकारांसोबतच प्रेक्षकांसाठीही हा अनुभव खूप वेगळा असेल.
2024 मध्ये पॅरिस हे दुसरे शहर बनेल जिथे तिसर्‍यांदा ऑलिम्पिक खेळ होणार आहेत. आत्तापर्यंत लंडन हे एकमेव शहर आहे जिथे तीन वेळा ऑलिम्पिक खेळ झाले आहेत.
पॅरिसमध्ये होणाऱ्या ऑलिम्पिक स्पर्धेसाठी अंदाजे 76 हजार कोटी रुपये खर्च येणार आहे. 2020 मध्ये टोकियो ऑलिम्पिकसाठी अंदाजे 1.2 लाख कोटी रुपये खर्च करण्यात आले.
2024 साली फ्रान्सची राजधानी पॅरिसमध्ये ऑलिम्पिक स्पर्धा होणार आहेत. 1924 मध्ये पॅरिस येथे पहिल्या ऑलिम्पिक खेळांचे आयोजन करण्यात आले होते. पॅरिस ऑलिम्पिकमध्ये 32 खेळांचा समावेश करण्यात आला असून त्यामध्ये 306 स्पर्धा होणार आहेत. पॅरिस ऑलिम्पिकमध्ये पहिल्यांदाच 'ब्रेक डान्स' स्पर्धाही पाहायला मिळणार आहेत.
बिल गेट्स फाउंडेशन एका औषधावर काम करत आहे, ज्यामुळे कुपोषण संपेल. कुपोषण दूर करण्यासाठी औषधावर स्टेज-3 चाचण्या घेण्यात येत आहेत.
WHO कडून 2024 मध्ये हे औषध वापरण्याची परवानगी मिळाली आहे. भारतातील ४३ लाखांहून अधिक मुले कुपोषणाचे बळी आहेत. भारतालाही या औषधाचा मोठा फायदा होणार आहे.
2024 साली नासा आपले 4 अंतराळवीर चंद्रावर पाठवणार आहे. यापूर्वी 1972 मध्ये नासाने अपोलो-17 मोहिमेत दोन अंतराळवीरांना चंद्रावर पाठवले होते.
आता 52 वर्षांनंतर मानवाला पुन्हा चंद्रावर पाठवले जात आहे. नासाचे अंतराळवीर चंद्राभोवती प्रदक्षिणा घालून पृथ्वीवर परततील.
पुढील वर्षी मानव चंद्रावर खूप लक्ष केंद्रित करणार आहे. व्हिक्टर ग्लोव्हर हा चंद्रावर जाणारा पहिला कृष्णवर्णीय व्यक्ती ठरणार आहे.
ख्रिस्तियाना कोच ही चंद्रावर जाणारी पहिली महिला ठरणार आहे. ख्रिस्तियाना कोच यांना मिशन स्पेशालिस्ट मानले जाते. चंद्रावर जाणारे हे यान केनेडी स्पेस सेंटरमधून प्रक्षेपित केले जाणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.