Faridabad police disclose Holiday Package Scam: गोव्यासह, अमेरिका, दुबई, न्यूझीलंड, इंडोनेशिया आणि यूरोप यात्रा स्वस्तःत घडवून आणतो, असे सांगत लोकांची फसवणूक करणाऱ्या टोळीला अटक करण्यात आले आहे. फरिदाबाद पोलिसांनी ही कारवाई केली आहे. पोलिसांनी या प्रकरणात पंचाबमधील मोहालीतून चार जणांना अटक केली आहे.

फरिदाबादच्या एका रहिवाशाने याबाबत तक्रार केली होती. त्या तक्रारीत म्हटले आहे की, त्याला एका ट्रॅव्हल कंपनीतून फोन आला होता. त्यामध्ये दुबई आणि गोव्यासाठी स्वस्तःत हॉलिडे पॅकेज देण्याचा दावा केला होता.

त्यात त्याची 1 लाख 45 हजार रूपयांची फसवणूक केली गेली आहे. फरिदाबाद सायबर पोलिस स्टेशनमध्ये हा गुन्हा नोंद करण्यात आला आहे.

तक्रारीत म्हटले आहे की, कंपनीचे अधिकारी फरिदाबाद येथे भेटण्यासाठी आले. तेव्हा क्रेडिट कार्डचा तपशील घेतला गेला. 10 वर्षात एकूण 75 रात्री आंतरराष्ट्रीय प्रवास अशा पॅकेजपैकी एक पॅकेज मला आवडले होते.

त्यानंतर संशयितांच्या मेल आयडीवरून एका हॉटेलकडून कन्फर्मेशन मेल आला. त्यामध्ये माझ्या क्रेडिट कार्डवरून 1 लाख 45 हजार रूपये वापरल्याचे सांगितले गेले.

त्यानंतर मी दिल्ली कार्यालयात गेलो पण ते बंद होते. तिथे कळाले की अनेकांची अशा पद्धतीने फसवणूक झाली आहे. स्वस्तःतील हॉलिडे पॅकेजसाठी अनेकांची फसवणूक केली गेली आहे. त्यांचे दर बाजारातील दरांपेक्षा कमी होते.

त्यानंतर फरिदाबाद पोलिसांनी तुषार, गजेंद्र, अमन आणि वंश अशा चौघांना अटक केली आहे.

नकली वेबसाईट, गुगलवर जाहिराती

फरिदाबादचे पोलिस अधिकारी सूबे सिंह यांनी सांगितले की, संशयितांनी मूळ हॉलिडे एजन्सीजचे नाव, वैशिष्ट्ये कॉपी केली. त्याआधारे नकली वेबसाईट बनवली. गुगलवर जाहीराती देत होते. ते खरे मानून अनेकजण त्यांना कॉल करायचे. त्यातून त्यांची फसवणूक होत होती.

आणखी दोघांचा शोध सुरू

पोलिसांनी या चौघांकडून तीन फोन, दोन सिम कार्ड, डेबिट कार्ड, एक चेक बुक आणि 32,000 हजार रूपये रोकड जप्त केली. तुषार हा बिहारच्या समस्तीपुरचा आहे. गजेंद्र फिरोजाबादचा आहे. अमन उत्तरप्रदेशमधील हरदोईचा आहे तर वंश दिल्लीचा आहे. आणखी दोघे जण फरार आहे. त्यांचा शोध सुरू आहे.