Leopard Dead at Dharbandora: बिबट्या मृत्यूप्रकरणी दोघांना अटक

Leopard Dead at Dharbandora धारबांदोडा संजीवनी साखर कारखान्याजवळ असलेल्या सुरंगी फार्म मध्ये काल फासात अडकलेला बिबटा (मादी) मरण पावला. या पार्श्वभूमीवर आज सुरंगी फार्मचे व्यवस्थापक शंकर फडतारे व कामगार मुट्टु निट्टु गवळी याला वन विभागाने ताब्यात घेतले.

उपवनपाल वारके यांच्या मार्गदर्शनखाली शोध मोहीम राबवली. रवी शिरोडकर, जयराम देसाई,सत्यवान गांवकर,गोपाळ जल्मी व वन कर्मचाऱ्यांनी भाग घेतला.

आज सकाळी साडेनऊ वाजता फासात अडकून मृत पावलेल्या बिबट्या मादीवर शवचिकित्सेनंतर अंत्यसंस्कार करण्यात आले. संशयित म्हणून अटक केलेल्या दोघांना शुक्रवारी कोर्टात सादर करून कस्टडी घेतली आहे, उद्या शनिवारी पुन्हा कोर्टात सादर करण्यात येणार आहे.