CRPF Volleyball Dainik Gomantak
देश

CRPF Volleyball: काश्मिरमध्ये हिमवृष्टीत व्हॉलीबॉल खेळतानाचा जवानांचा व्हिडिओ व्हायरल...

दक्षिण काश्मीरमध्ये अनेक ठिकाणी बर्फाचा दोन फुटांचा थर

Akshay Nirmale

CRPF Volleyball Video: सध्या संपूर्ण उत्तर भारत कडाक्याच्या थंडीने ग्रासला आहे. डोंगराळ भागात जोरदार बर्फवृष्टी होत आहे. बर्फवृष्टीमुळे काश्मीर खोऱ्यातील जनजीवन विस्कळीत झाले आहे. खोऱ्याचा उर्वरित देश आणि जगाशी संपर्क तुटला आहे. कडाक्याच्या थंडीत जेव्हा प्रत्येकजण घरात रजईमध्ये लपून उब घेत असताना लष्करातील जवान मात्र पूर्ण निष्ठेने देशसेवेसाठी सीमेवर तत्पर असतात. दरम्यान, सीआरपीएफ जवानांचा व्हॉलीबॉल खेळतानाचा एक व्हिडिओ सोशल मीडियावर मोठ्या प्रमाणात व्हायरल होत आहे.

हा व्हिडिओ दक्षिण काश्मीरमधील शोपियाँ जिल्ह्यातील आहे. बर्फवृष्टीमध्ये सीआरपीएफ जवान व्हॉलीबॉल खेळाचा आनंद घेत असल्याचे या व्हायरल व्हिडिओमध्ये दिसत आहे. मैदानात बर्फ साचला असून त्यावर व्हॉलीबॉलची मॅच रंगलेली या व्हिडिओमध्ये दिसून येत आहे. केंद्रीय राखीव पोलिस दल (सीआरपीएफ) ने हा व्हिडिओ शेअर केला आहे.

दक्षिण काश्मीरमधील कुलगाम, अनंतनाग, पुलवामा आणि शोपियाँच्या विविध भागात दोन फुटांपर्यंत बर्फवृष्टी झाल्याने जनजीवन विस्कळीत झाले आहे. बर्फवृष्टीमुळे अनेक भागांचा संपर्क पूर्णपणे तुटला आहे. ताज्या बर्फामुळे जवाहर बोगद्याजवळ मोठी निसरडी झाल्याने रस्त्यावर अडकलेली वाहने बाहेर काढण्याचे कामही बंद पडले आहे. सकाळी बर्फवृष्टी होऊनही हा रस्ता छोट्या वाहनांसाठी खुला करण्यात आला.

पूंछ आणि राजौरी या दोन जिल्ह्यांना शोपियाँशी जोडणारा मुघल रस्ता, तसेच श्रीनगर-लेह महामार्ग परिसर हिवाळ्यापुर्वीच बंद करण्यात आला होता. काश्मीर खोऱ्यासह आणि जम्मूच्या काही भागात सकाळपासून हिमवर्षाव सुरू आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs ENG: भारतासाठी ओव्हल 'लकी' की 'अनलकी'? कसा आहे टीम इंडियाचा रेकॉर्ड? गिल सेना करणार मोठा चमत्कार

Goa Made Liquor Seized: गोवा बनावटीच्या दारूची तस्करी; सिंधुदुर्गातील इन्सुली चेकपोस्टवर 6.80 लाखांचा मुद्देमाल जप्त, दोघे ताब्यात

Lung Cancer: फुफ्फुसाच्या कर्करोगाचा तरुणाईला विळखा, 50 वर्षांखालील 21 टक्के लोकांना जखडलं; जाणून घ्या का वाढतोय धोका?

Goa Assembly Session: गोव्याच्या पर्यटन क्षेत्रात वाढ, जून 2025 पर्यंत 54. 5 लाख पर्यटकांची नोंद; मंत्री रोहन खंवटेंची माहिती

महाराष्ट्र, कर्नाटकात दारु तस्करी रोखण्यासाठी गोवा सरकारचा मोठा निर्णय, सीमेवर उभारणार तपासणी नाका Video

SCROLL FOR NEXT