Vande Bharat: पंतप्रधान नरेंद्र मोदी रविवारी मकर संक्रांतीच्या मुहूर्तावर तेलंगणातील सिकंदराबाद ते आंध्र प्रदेशातील विशाखापट्टणम दरम्यान धावणाऱ्या वंदे भारत एक्स्प्रेसचे डिजिटली उद्घाटन करणार आहेत. केंद्रीय रेल्वे मंत्री अश्विनी वैष्णव, केंद्रीय पर्यटन आणि सांस्कृतिक मंत्री जी. किशन रेड्डी आणि तेलंगणाचे राज्यपाल तमिलिसाई सुंदरराजन नवीन ट्रेनच्या उद्घाटन समारंभात सिकंदराबाद रेल्वे स्थानकावर स्वतः उपस्थित राहणार आहेत.
या नव्या ट्रेनची नियमित सेवा 16 जानेवारीपासून सुरू होणार असून, शनिवारपासून तिकीटांचे बुकिंग सुरू झाल्याचे रेल्वेच्या सूत्रांनी सांगितले. दक्षिण मध्य रेल्वे (SCR) ने म्हटले आहे की, विशाखापट्टणम-सिकंदराबाद एक्सप्रेस (20833) विशाखापट्टणमहून सकाळी 5.45 वाजता सुटेल आणि 2.15 वाजता सिकंदराबादला पोहोचेल. सिकंदराबाद-विशाखापट्टणम ट्रेन (20834) दुपारी 3:00 वाजता सिकंदराबादहून सुटेल आणि रात्री 11:30 वाजता विशाखापट्टणमला पोहोचेल. ही ट्रेन दोन्ही दिशांना राजमुंद्री, विजयवाडा, खम्मम आणि वारंगल येथे थांबेल.
रेल्वेने सांगितले की, या वंदे भारत एक्सप्रेसमध्ये 14 वातानुकूलित चेअर कार आणि दोन एक्झिक्युटिव्ह वातानुकूलित चेअर कार कोच आहेत. या ट्रेनची प्रवासीक्षमता 1,128 इतकी आहे. या रेल्वेगाडीमुळे या दोन स्थानकांदरम्यान हायस्पीड वाहतूक सुविधा प्रवाशांना उपलब्ध होणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.