काश्मीरमध्ये टीव्ही अभिनेत्री अमरीन भटच्या मृत्यूचा बदला सुरक्षा दलांनी घेतला आहे. काश्मीर खोऱ्यात सुरक्षा दलांनी जैश-ए-मोहम्मद आणि लष्कर-ए-तैयबाच्या 10 दहशतवाद्यांचा खात्मा केला आहे. स्वतः आयजीपी काश्मीर यांनी ट्विट करुन ही माहिती दिली आहे.

ते म्हणाले, 'टीव्ही अभिनेत्री अमरीन भट यांच्या निर्घृण हत्येची 24 तासांत उकल झाली. काश्मीर खोऱ्यात 3 दिवसांत जैश-ए-मोहम्मदच्या 3 आणि लष्कर-ए-तैयबाच्या (Lashkar-e-Taiba) 7 जणांसह 10 दहशतवादी मारले गेले.

दरम्यान, गुरुवारी जम्मू-काश्मीरच्या (Jammu and Kashmir) पुलवामा जिल्ह्यात सुरक्षा दलांशी झालेल्या चकमकीत लष्कर-ए-तैयबाच्या दोन दहशतवाद्यांना घेरण्यात आले होते, ज्यांनी बुधवारी एका महिला टीव्ही कलाकाराची हत्या केली. पोलीस महानिरीक्षक (Kashmir Zone) विजय कुमार यांनी ट्विट करत म्हटले होते की, “दिवंगत कलाकार अमरीन भट (LET terrorists) यांचे दोन्ही मारेकरी अवंतीपोरा चकमकीत पकडले गेले आहेत. पुढील माहितीची प्रतीक्षा आहे.”

तसेच, मरीन भट या टीव्ही अभिनेत्री आणि सोशल मीडिया स्टार यांची बुधवारी बडगाम जिल्ह्यातील चदूरामध्ये गोळ्या झाडून हत्या करण्यात आली. त्याचबरोबर त्यांचा 10 वर्षांचा पुतण्या या हल्ल्यात जखमी झाला.

पोलिसांनी दिलेल्या माहितीनुसार, पुलवामा (Pulwama) जिल्ह्यातील अवंतीपोरा येथील अगन हांजीपुरा भागात दहशतवादी आणि सुरक्षा दलांमध्ये चकमक झाली.