काश्मीरमध्ये टीव्ही अभिनेत्री अमरीन भटची दहशतवाद्यांनी केली हत्या

अमरिना भट सोशल मीडियावर खूप सक्रिय होती. देशात टिकटॉकवर बंदी येण्यापूर्वी ती या प्लॅटफॉर्मवर व्हिडिओही बनवायची. लेफ्टनंट गव्हर्नर मनोज सिन्हा आणि माजी मुख्यमंत्री ओमर अब्दुल्ला यांनी अमरीनच्या हत्येबद्दल शोक व्यक्त केला आहे. (actress Amarin Bhatt killed by terrorists in Kashmir)

काश्मीरमधील वडगाम जिल्ह्यातील हिश्रू भागात बुधवारी रात्री 8 वाजता तिच्या घराबाहेर गोळ्या झाडण्यात आल्या. या घटनेत अमरीन यांच्या 10 वर्षीय पुतण्याच्या हातात गोळी लागली आहे. गोळीबारामुळे संपूर्ण परिसरात भीतीचे वातावरण पसरले आहे.

रात्री आठ वाजण्याच्या सुमारास अमरीन भट चदूरा भागातील तिच्या घराबाहेर पुतण्या फुरहान जुबेरसोबत उभी होती. यादरम्यान तेथे पोहोचलेल्या दहशतवाद्यांनी अंदाधुंद गोळीबार सुरू केला. गोळ्या लागताच अमरीन आणि तीचा पुतण्या रक्ताच्या थारोळ्यात पडले.

अमरीनच्या कुटुंबीयांनी अमरीन आणि तिच्या पुतण्याला तातडीने रुग्णालयात नेले, जिथे डॉक्टरांनी अमरीनला मृत घोषित केले. त्याचवेळी पुतण्या फुर्हान जुबेरची प्रकृती स्थिर असल्याचे सांगण्यात येत आहे.

जम्मू-काश्मीरचे लेफ्टनंट गव्हर्नर मनोज सिन्हा यांनी टीव्ही अभिनेत्री अमरीनच्या हत्येचा निषेध केला आहे. दहशतवादी यंत्रणा नष्ट करण्यासाठी आम्ही पूर्णपणे कटिबद्ध आहोत, असे त्यांनी म्हटले आहे.

जम्मू-काश्मीरचे माजी मुख्यमंत्री ओमर अब्दुल्ला म्हणाले की, 'अमरीन भट यांच्यावर झालेल्या प्राणघातक दहशतवादी हल्ल्याने मला धक्का बसला आहे. दुर्दैवाने, अमरीनला आपला जीव गमवावा लागला आणि तिचा पुतण्या या हल्ल्यात जखमी झाला. अल्लाह त्यांना स्वर्गात स्थान देवो.''

अमरीन सोशल मीडियावर खूप सक्रिय होती. देशात टिकटॉकवर बंदी येण्यापूर्वी ती या प्लॅटफॉर्मवरील तिच्या व्हिडिओंसाठी खूप प्रसिद्ध होती. त्यांच्या अनुयायांची संख्याही मोठी होती. ज्यांना अमरीनला आवडले ते त्याच्या व्हिडिओची आतुरतेने वाट पाहत होते. हल्ली ती इंस्टाग्राम रील बनवायची.