Atique And Ashraf Ahmed Murder: माफिया डॉन अतिक अहमद आणि त्याचा भाऊ अश्रफ अहमद यांची शनिवारी प्रयागराजमध्ये पोलिसांसमोर गोळ्या घालून हत्या करण्यात आली.

पोलिस दोघांची वैद्यकीय चाचणी करण्यासाठी कोल्विन रुग्णालयात पोहोचले असता अतिक आणि अश्रफ यांच्यावर हल्लेखोरांनी गोळीबार केला.

यादरम्यान अतिक आणि अश्रफ हे माध्यमांशी बोलत असताना, माध्यमांच्या वेशात आलेल्या हल्लेखोरांनी गोळीबार केला.

अतिक आणि अश्रफ यांच्यावर हल्लेखोरांनी ज्या पिस्तुलाने हल्ला केला ते अत्याधुनिक असून, हल्लेखोरांनी 15 हून अधिक राउंड फायर केल्याचं सांगण्यात येत आहे.

तुर्की बनावटीच्या पिस्तुलाने हल्लेखोरांनी गोळ्या झाडल्या

भारतात (India) बंदी असलेल्या अतिक अहमद आणि अश्रफ अहमद यांच्यावर गोळ्या झाडणाऱ्यांकडून अत्याधुनिक पिस्तुले जप्त करण्यात आली आहेत.

सूत्रांनी दिलेल्या माहितीनुसार, अतिक आणि अश्रफ यांच्या हत्येमध्ये जिगाना मेड पिस्तूल वापरण्यात आले होते, जे तुर्कीमध्ये तयार होते.

जिगाना पिस्तूल हे सीमारेषेवरुन बेकायदेशीरपणे आणले जाते, ज्याची किंमत सुमारे 5 ते 6 लाख रुपये आहे आणि त्यात 17 गोळ्यांचे मॅगझिन आहे.

सिद्धू मुसेवाला याच्या हत्येतही याचा वापर करण्यात आला होता

अतिक अहमद आणि अश्रफ अहमद यांचे कनेक्शन पंजाबी गायक आणि काँग्रेस नेते सिद्धू मुसेवाला यांच्याशी जोडले गेले आहे.

सिद्धू मुसेवालाच्या हत्येत तुर्की बनावटीच्या जिगाना पिस्तूलचाही वापर करण्यात आल्याचे सांगण्यात येत आहे.

गेल्या वर्षी 29 मे रोजी पंजाबमधील (Punjab) मानसा येथे सिद्धू मुसेवाला याची बदमाशांनी गोळ्या झाडून हत्या केली होती.

हल्लेखोरांकडे ही आधुनिक शस्त्रे कुठून आली?

अतिक अहमद आणि अशरफ अहमद यांच्या हत्येनंतर पोलिसांनी तपास सुरु केला असून हल्लेखोरांकडे ही अत्याधुनिक हत्यारे कोठून आली याचाही शोध सुरु आहे.