Delhi Crime News: राजधानी दिल्लीत 31 डिसेंबरच्या रात्रीती एक भयानक घटना समोर आली आहे. मद्यधुंद तरूणांच्या कारने एका दुचाकीस्वार युवतीला धडक दिली. या धडकेत ही युवती कारच्या खाली अडकली. पण याच अवस्थेत या नराधमांनी तरूणीला 7-8 किलोमीटरपर्यंत फरपटत नेल्याचा धक्कादायक प्रकार समोर आला आहे. या अपघातातील मुलीचा मृत्यू झाला असून फरफटल्यामुळे मुलीच्या अंगावर कपडेही राहिलेले नव्हते. मुलीचा मृतदेह विवस्त्र अवस्थेत आढळून आला. पोलिसांनी कारमधील पाच आरोपींना अटक केली असून याप्रकरणी पुढील तपास सुरू आहे.

एका गाडील मृतदेह लटकत असल्याची माहिती पोलिसांना मिळाली होती. सुलतानपुरी येथे विवस्त्र अवस्थेत ही युवती आढळून आली. पोलिसांना तिची स्कुटीही सापडली आहे.

आरोपी तरूण मद्यधुंद अवस्थेत असताना सुलतानपुरीजवळ त्यांच्या घरी परतत होते. यादरम्यान त्यांची मुलीच्या स्कूटीला धडक बसली. यानंतर मुलगी गाडीखाली अडकली आणि आरोपींनी तिला 7-8 किलोमीटरपर्यंत फरपटत नेले.

कांझावाला येथील जोंटी गावाजवळ गाडीखाली मुलीचा मृतदेह अडकलेला पाहून रस्त्याने जाणाऱ्याने पोलिसांना फोन केला. एका खासगी समारंभात वेलकम गर्ल म्हणून ही युवती काम करत होती. ३१ डिसेंबरच्या रात्री काम करून ही मुलगी घरी परतत असताना हा अपघात झाला. सध्या कारचालक अमितसह चार तरुणांना पोलिसांनी अटक केली आहे. या घटनेचा एक व्हिडिओ समोर आला आहे.